ବୁର୍ଲା: ବୀର ସୁରେନ୍ଦ୍ର ସାଏ ବୈଷୟିକ ବିଶ୍ୱବିଦ୍ୟାଳୟର ଟିମ ଇନୋଭିଜ ସ୍ମାର୍ଟ ଇଣ୍ଡିଆ ହାକାଥନ-୨୦୨୨ରେ ଅଂଶଗ୍ରହଣ କରିବା ସହିତ ପ୍ରଥମ ରନର୍ସ ଅଫ୍ ହେବାର ସୌଭାଗ୍ୟ ଲାଭ କରିଥିଲା। ପ୍ରତିଯୋଗିତାରେ ଶେଷରେ ହେବାକୁ ଥିବା ବାଧା ଉପରେ ବିଜୟୀ ହୋଇଥିଲା। ଟିମ ଇନୋଭିଜର ସଦସ୍ୟ ମାନଙ୍କ ମଧ୍ୟରେ ନିଖିଲ ଡ଼ାଙ୍ଗ, ତ୍ରିଲୋଚନ ବସନ୍ତିଆ, ସତ୍ୟ ସ୍ୱରୁପ ପାଣିଗ୍ରାହୀ, ଅସିମ ଜେନା, ସଙ୍ଗ୍ରାମ ସୁବୁଦ୍ଧି ଏବଂ ଦିସା ଜୈନ ଦଳର ଛାତ୍ରମାନେ ଭିସୁଟ ରୋବୋଟିକସ ସୋସାଇଟିର ଟେକନିକାଲ ବୈଷୟିକ ଛାତ୍ର। ପ୍ରତିଯୋଗିତା ଆରମ୍ଭରୁ ତାଙ୍କୁ ସଫଳତା ଯେପରି ସ୍ପଷ୍ଟ ଦୃଶ୍ୟମାନ ହେଉଥିଲା।
ଅଂଶଗ୍ରହଣକାରୀଙ୍କ ପାଇଁ ବିଶ୍ୱବିଦ୍ୟାଳୟରେ ଏକ ଅଭ୍ୟୁନ୍ତରିଣ ହାକାଥନ ଆୟୋଜିତ ହୋଇଥିଲା। ଫଳସ୍ୱରୁପ ଏସଆଇଏସ ୨୦୨୨ ପାଇଁ ଭିସୁଟର ତିନୋଟି ଦଳ ଚୟନ କରାଯାଇଥିଲା। ପରବର୍ତ୍ତି ରାଉଣ୍ଡ ଆଇଡ଼ିଆ ସବମିଶନ ରାଉଣ୍ଡ ଯେଉଁଥିରେ ପ୍ରତ୍ୟେକ ଦଳକୁ ସେମାନଙ୍କର ଧାରଣା ଉପସ୍ଥାପନା ଏବଂ ସମାସ୍ୟା କହିବା ଅନୁଯାୟୀ ଭିଡ଼ିଓ ପ୍ରଦର୍ଶନ ଉପସ୍ଥାପନ କରିବାକୁ ପଡ଼ିଥିଲା। ପରବର୍ତ୍ତି ପର୍ଯ୍ୟାୟ ପାଇଁ ସଂକ୍ଷିପ୍ତ ତାଲିକା ପ୍ରକ୍ରିୟା ୩ ରାଉଣ୍ଡରେ ଘଟିଥିଲା। ୨ୟ ରାଉଣ୍ଡରେ ଟିମ ଇନୋଭିଜ ଚୟନ କରାଯାଇଥିଲା। ଏହି ସ୍ମାର୍ଟ ଇଣ୍ଡିଆ ହାକାଥନର ଗ୍ରାଣ୍ଡ ଫାଇନାଲ ପର୍ଯ୍ୟନ୍ତ ରୋମାଞ୍ଚକର ଯାତ୍ରା ଆରମ୍ଭ ହେଲା। ଦଳକୁ ଦିଆଯାଇଥିବା ସମାସ୍ୟା ଷ୍ଟେଟମେଣ୍ଟ ଆଇଡ଼ି ହେଉଛି ଛାତ୍ର ଅଭିନବ ବର୍ଗ ଅନ୍ତର୍ଗତ ଅଲ ଇଣ୍ଡିଆ କାଉନସିଲ ଫର ଟେକ୍ନିକାଲ ଏଜୁକେଶନ(ଏଆଇସିଟିଇ) ଏସଏମ-୯୬୫। ସେମାନଙ୍କୁ ଦିଆଯାଇଥିବା ବିଷୟ ଭ୍ରମଣ ଏବଂ ପର୍ଯ୍ୟାଟନ ଏବଂ ଏହି କ୍ଷେତ୍ର ଅଧିନରେ ପର୍ଯ୍ୟଟକଙ୍କ ସୁରକ୍ଷା ଉପରେ ସେମାନଙ୍କର ମୁଖ୍ୟ ଧ୍ୟାନ ଥିଲା। ଭ୍ରମଣ ଏବଂ ପର୍ଯ୍ୟାଟନ ପାଇଁ ସୁରକ୍ଷା ଏକ ପ୍ରମୁଖ ଚିନ୍ତା। ଏହାକୁ ଦୃଷ୍ଟିରେ ରଖି ଟିମ ଇନୋଭିଜ ଏକ ସମାଧାନ ଖୋଜିବାକୁ ବାହାରିଲେ ଏବଂ ପ୍ରଶଂସନିୟ ସଫଳ ହେଲେ। ଭିଲେଇ ଇନଷ୍ଟିଚ୍ୟୁଟ ଅଫ୍ ଟେକ୍ନୋଲୋଜି ଦୁର୍ଗ ଛତିଶଗଡ଼଼ ଦଳ ପାଇଁ ଆବଣ୍ଟିତ ନୋଡ଼ାଲ କେନ୍ଦ୍ର ଥିଲା। ଉଲ୍ଲେଖଯୋଗ୍ୟ ଯେ ଦଳ ଇନୋଭିଜ ଓଡ଼ିଶାର ଦୁର୍ଗରେ ଏକମାତ୍ର ଦଳ ଥିଲେ। ଉଦଘାଟନି ସମାରୋହରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏସଆଇଏଚ-୨୦୨୨ର ସମସ୍ତ ଅଂଶଗ୍ରହଣକାରୀ ଦଳକୁ ସମ୍ବୋଧିତ କରିଥିଲେ।
