ବୁର୍ଲା : ସମ୍ବଲପୁର ମହାନଗର ନିଗମ ଅନ୍ତର୍ଗତ ବୁର୍ଲା ଜଳ ସମ୍ପଦ ବିଭାଗର ମୁଖ୍ୟଯନ୍ତ୍ରୀ ଓ ଅବବାହିକା ପରିଚାଳକ ବୁର୍ଲାଙ୍କ କାର୍ଯ୍ୟାଳୟକୁ ସିଭିଲ କୋର୍ଟର ଛାଟ। ୨୦୦୦ ମସିହାରେ ମହାନଦୀ କୂଳରେ ନିର୍ମାଣ ହୋଇଥିବା ରିଂ ରୋଡର କାର୍ଯ୍ୟର ଟଙ୍କା ନିର୍ମାଣ ସଂସ୍ଥାକୁ ବିଭାଗ ଦେଇ ନଥିଲା। ଯାହା ଫଳରେ ଠିକା ସଂସ୍ଥା ବାଧ୍ୟ ହୋଇ କୋର୍ଟର ଦ୍ବାରସ୍ଥ ହୋଇଥିଲେ।
୨୦୧୪ ମସିହାରେ ଠିକା ସଂସ୍ଥାକୁ ସମସ୍ତ ଟଙ୍କା ସୁଧ ସହ ଫେରସ୍ତ କରିବା ପାଇଁ କୋର୍ଟ ନିର୍ଦ୍ଦେଶ ଦେଇଥିଲେ।ତେବେ ଜଳ ସମ୍ପଦ ବିଭାଗ ୨୦୨୪ ପର୍ଯ୍ୟନ୍ତ କୌଣସି ଟଙ୍କା ପୈଠ କରି ନଥିଲା। ତେବେ ଆଜି କୋର୍ଟଙ୍କ ନିର୍ଦ୍ଦେଶ କ୍ରମେ ଏକ ନିର୍ଦ୍ଦେଶନାମା ଧରି ଜଳ ସମ୍ପଦ ବିଭାଗର ମୁଖ୍ୟଯନ୍ତ୍ରୀଙ୍କ କାର୍ଯ୍ୟାଳୟକୁ ସମ୍ପତି ସିଜ କରିବା ପାଇଁ କୋର୍ଟ କର୍ମଚାରୀ ମାନେ ଏଠାରେ ପହଞ୍ଚିବା ପରେ ସେମାନେ ଦେଖିବାକୁ ପାଇଥିଲେ କାର୍ଯ୍ୟାଳୟର ନାମ ପରିବର୍ତ୍ତନ ହେବା ସହ ମୁଖ୍ୟଯନ୍ତ୍ରୀଙ୍କ କାର୍ଯ୍ୟାଳୟରେ କୌଣସି ଆସବାବ ପତ୍ର ନଥିଲା। ମୁଖ୍ୟଯନ୍ତ୍ରୀ କହିଥିଲେ ୨୦୨୧ ରୁ କାର୍ଯ୍ୟାଳୟର ନାମ ପରିବର୍ତ୍ତନ ହୋଇ ସାରିଛି। ସେପଟେ କୋର୍ଟ କର୍ମଚାରୀମାନେ ପରବର୍ତ୍ତୀ ସମୟରେ ଏନେଇ କୋର୍ଟଙ୍କୁ ଆସନ୍ତା ଏପ୍ରିଲ ୭ ତାରିଖରେ ଅବଗତ କରାଇବେ।
Pay Online
Comments are closed.