ସମାଜ ଡିଜିଟାଲ ଡେସ୍କ: ସଂସଦରେ ୨୦୨୫ର ସାଧାରଣ ବଜେଟ ଉପସ୍ଥାପନ କରୁଛନ୍ତି କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ। ଚଳିତ ବଜେଟରେ ୧୦ଟି କ୍ଷେତ୍ରକୁ ଗୁରୁତ୍ଵ ଦିଆଯାଇଛି। ବଜେଟରେ ଗ୍ରାମାଞ୍ଚଳର ଯୁବପିଢ଼ି, ଗରିବ, ମହିଳା ଏବଂ କୃଷକମାନଙ୍କୁ ପ୍ରାଥମିକତା ଦିଆଯାଇଥିବା କୁହାଯାଇଛି। ସେହିପରି ମଧ୍ୟବିତ୍ତ ଶ୍ରେଣୀର ବିକାଶକୁ ଗୁରୁତ୍ଵ ଦିଆଯାଇଛି। ବିକଶିତ ଭାରତ ସହିତ ଶୂନ୍ୟ ଦରିଦ୍ରତା ସରକାରଙ୍କ ମୂଳ ଲକ୍ଷ୍ୟ ବୋଲି ସୀତାରମଣ ବଜେଟ ପାଠ କରିବା ସମୟରେ କହିଛନ୍ତି। ମୋଟ ଉପରେ ଅଭିବୃଦ୍ଧି, ଭିତ୍ତିଭୂମି ଏବଂ ମଧ୍ୟବିତ୍ତଙ୍କୁ ଗୁରୁତ୍ଵ ଦିଆଯାଇଥିବା ଅର୍ଥମନ୍ତ୍ରୀ କହିଛନ୍ତି। ପ୍ରଧାନମନ୍ତ୍ରୀଙ୍କ ନେତୃତ୍ଵରେ ଅର୍ଥନୀତିକୁ ଗତି ଦେବାକୁ ବଜେଟରେ ଉଦ୍ୟମ ହୋଇଛି ବୋଲି ସେ କହିଛନ୍ତି।
Comments are closed.