ବୌଦ୍ଧ: ବୌଦ୍ଧଜିଲ୍ଲା ୫୭ ନମ୍ବର ଜାତୀୟ ରାଜପଥ ବାଉଁଶୂଣୀ ଥାନା ଦନ୍ତାପାଲି ନିକଟରେ ଏକ କାର୍ ଧକ୍କାରେ ୩ କାଉଡିଆ ଗୁରୁତର ଆହତ ହୋଇଛନ୍ତି । ସୂଚନା ଅନୁଯାୟୀ ଗତକାଲି ବିଳମ୍ବିତ ରାତିରେ ବୌଦ୍ଧଥାନା ଅନ୍ତର୍ଗତ ନାରାୟଣନଗର ଗ୍ରାମର ପିଣ୍ଟୁ ମେହେର (୩୦) , ଲଳିତ ମେହେର (୨୫) ଓ ମନୋଜ ମେହେର (୧୦) ଏକ ବାଇକ୍ ଯୋଗେ ସୋମବାର ଦିନ ଶିବ ମନ୍ଦିରରେ ପାଣି ଢାଳିବାକୁ ସୋନପୁର ପଟକୁ ଯାଉଥିବା ବେଳେ ଦନ୍ତାପାଲି ନିକଟରେ ଅପରପାର୍ଶ୍ବରୁ ଆସୁଥିବା ଏକ କାର୍ ଧକ୍କା ଦେଇଥିଲା । ଫଳରେ ବାଇକରେ ଥିବା ୩ ଜଣ କାଉଡିଆ ଗୁରୁତର ଆହତ ହୋଇଥିଲେ । ସ୍ଥାନୀୟ ଲୋକଙ୍କ ସହାୟତାରେ ତାଙ୍କୁ ଉଦ୍ଧାର କରି ବୌଦ୍ଧ ଡାକ୍ତରଖାନାକୁ ଅଣାଯାଇଥିଲା । ପିଣ୍ଟୁ ଏବଂ ଲଲିତ ଗୁରୁତର ଥିବାରୁ ସେମାନଙ୍କୁ ବୁର୍ଲା ମେଡିକାଲକୁ ନେବାପାଇଁ ଡାକ୍ତର ପରାମର୍ଶ ଦେଇଥିବା ଜଣାପଡିଛି ।
Comments are closed.