ଚାରିଛକ :ବୌଦ୍ଧ ଜିଲ୍ଲା ହରଭଙ୍ଗା ବ୍ଲକ ଠିଡିକାଜୋର ଗ୍ରାମରେ ଗତ ଦୁଇ ଦିନ ହେଲା ଲଗାଣ ବର୍ଷାରେ ବିଳମ୍ବିତ ରାତିରେ ହୀରା ମଲ୍ଲିକ ନାମକ ୭୦ ବର୍ଷୀୟ ବୃଦ୍ଧା ଶୋଇଥିବା ବେଳେ କାନ୍ଥ ଭାଙ୍ଗି ଯାଇଥିଲା । ଫଳରେ ଅଳ୍ପକେ ବୃଦ୍ଧା ଜଣକ ରକ୍ଷା ପାଇ ଯାଇଛନ୍ତି । ହେଲେ ଗତ କିଛି ଦିନ ହେଲା ଘରେ ବର୍ଷା ଯୋଗୁଁ ପାଣି ଗଳୁ ଥିଲା । ତେବେ ଘର ଛପର ଘୋଡାଇବା ପାଇଁ ପାଲ ଖଣ୍ଡେ ପାଇଁ ବାରମ୍ବାର ତହସିଲଦାରଙ୍କ କାର୍ଯ୍ୟାଳୟକୁ ଯାଇ ଅଭିଯୋଗ କରିଥିଲେ । ତହସିଲଦାର ଆଡେଣିଗଡ଼ ରାଜସ୍ବ ନିରୀକ୍ଷକଙ୍କୁ ସମ୍ପୃକ୍ତ ମହିଳାଙ୍କ ଘର ତଦନ୍ତ କରି ଜରିପାଲ ଯୋଗାଇ ଦେବାକୁ ନିର୍ଦ୍ଦେଶ ଦେଇଥିଲେ। ଏହାର ଦୀର୍ଘ ଦିନ ବିତିଯାଇଥିଲେ ସୁଦ୍ଧା ପାଲା ଯୋଗାଯାଇନଥିଲା । ଫଳରେ ଦୁଇ ଦିନର ଲଗାଣ ବର୍ଷାରେ ଘରେ ପାଣି ଗଳି ବିଳମ୍ବିତ ରାତ୍ରିରେ କାନ୍ଥ ଭୁଶୁଡି ପଡିଥିଲା । ହେଲେ ବୃଦ୍ଧାଙ୍କ କୌଣସି କ୍ଷତି ହୋଇ ନଥିଲା।
Popular Categories
Previous article
Next article