ବୌଦ୍ଧ : ବୌଦ୍ଧ ଜିଲା ଦୌରାଜଜ ତଥା ସ୍ପେଶାଲ ଜଜ ବିକ୍ରମ କୁମାର ପ୍ରଧାନ ଗୁରୁବାର ଏକ ଗଞ୍ଜେଇ ମାମଲାର ବିଚାର କରି ୪ କିଲୋ ଗଂଜେଇ ପାଇଁ ଅଭିଯୁକ୍ତକୁ ୫ ବର୍ଷ କାରାଦଣ୍ଡାଦେଶ ଦେବା ସହ ୫୦ ହଜାର ଟଙ୍କା ଜୋରିମୋନା ଆଦେଶ ପ୍ରଦାନ କରିଛନ୍ତି। ମାମଲାରୁ ପ୍ରକାଶଯେ ଗତ ୨୦.୦୯.୨୨ ତାରିଖରେ ହରଭଙ୍ଗା ଅବକାରୀ ବିଭାଗ ପକ୍ଷରୁ ଖୋର୍ଦ୍ଧା-ବଲାଙ୍ଗିର ଜାତୀୟ ରାଜପଥର ଲୁଣିବାହାଲ ଅଞ୍ଚଳରେ ପେଟ୍ରୋଲିଙ୍ଗ କରୁଥିବା ସମୟରେ ବିଶେଷ ସୁତ୍ରରୁ ଖବର ପାଇଲେ ଯେ ଜାତୀୟ ରାଜପଥର ଝାରକଟା ଛକଠାରେ ଜଣେ ବ୍ୟକ୍ତି ଏକ ବ୍ୟାଗରେ ଗଂଜେଇ ଧରି ବସ ଅପେକ୍ଷାରେ ଅଛି। ସଙ୍ଗେ ସଙ୍ଗେ ଅବକାରୀ କର୍ମଚାରୀମାନେ ସେଠାରେ ପହଞ୍ଚି ଉକ୍ତ ବ୍ୟକ୍ତିଙ୍କ ତଲାସି ନେବାରେ ତାଙ୍କ ପାଖରୁ ୪ କିଲୋ ଗଂଜେଇ ଜବତ କରିଥିଲେ। ଏହି ମାମଲାରେ ପୁରୁଣାକଟକ ଥାନା ଝାରକଟା ଗ୍ରାମର ବିରେନ୍ଦ୍ର ଭୋକ୍ତା (୩୫)ଙ୍କୁ ଅବକାରୀ ବିଭାଗ ପକ୍ଷରୁ ଗିରଫ କରି କୋର୍ଟ ଚାଲାଣ କରାଯାଇଥିଲା। ପରବର୍ତି ସମୟରେ ଏହି ମାମଲାଟି ବୌଦ୍ଧଜିଲା ଦୌରାଜଜଙ୍କ ଅଦାଲତରେ (୨ଏସିସି ୨୦/୨୨)ହୋଇ ବିଚାର ହୋଇଥିଲା। ୩ ଜଣ ସାକ୍ଷୀଙ୍କ ବୟାନକୁ ଭିତ୍ତି କରି ପ୍ରମାଣ ଥିବା ନେଇ ଅଦାଲତ ଅଭିଯୁକ୍ତ ବିରେନ୍ଦ୍ର ଭୋକ୍ତାକୁ ୫ ବର୍ଷ କାରାଦଣ୍ଡାଦେଶ ଦେବା ସହ ୫୦ ହଜାର ଟଙ୍କା ଜୋରିମୋନା ଆଦେଶ ପ୍ରଦାନ କରିଛନ୍ତି। ସରକାରଙ୍କ ପକ୍ଷରୁ ମାମଲାକୁ ସରକାରୀ ଓକିଲ ସବିତା କୁମାରୀ ପଣ୍ଡା ପରିଚାଳନା କରିଥିଲେ।
Popular Categories
Previous article
Next article