ବୌଦ୍ଧ : ବନବିଭାଗର କର୍ମଚାରୀ ପାଟ୍ରୋଲିଂ କରୁଥିବା ବେଳେ ଗତକାଲି ବିଳମ୍ବିତ ରାତ୍ରିରେ ବୌଦ୍ଧ ଥାନା ଅନ୍ତର୍ଗତ ବଘିଅପଡା ପଂଚାୟତର ଖଲିଆ ପାଲି ଛକ ଠାରେ ରାତ୍ରୀରେ ହଠାତ ଦୁର୍ବୃତ୍ତ ମାନେ ଦୁଇଟି ବାଇକରେ ଆସି କର୍ମଚାରୀଙ୍କ ଉପରକୁ ଗୁଳି ଚାଳନା କରିଥିଲେ । ଫଳରେ ଦୁଇ ଜଣ କର୍ମଚାରୀ ଗୁଳିମାଡରେ ଗୁରୁତର ଆହତ ହୋଇଥିଲେ । ଦୁଇ ଆହତଙ୍କୁ ବୌଦ୍ଧ ଡାକ୍ତରଖାନାରେ ଭର୍ତ୍ତି କରାଯାଇ ଚିକିତ୍ସା ଚାଲିଛି । ଆହତ ଦୁଇ କର୍ମଚାରୀ ହେଲେ ନୀଳାଚଳ ପ୍ରଧାନ ଓ ନବକିଶୋର ସାହୁ । କିଏ ଗୁଳି ଚାଳନା କଲା ଓ କାହିଁକି କିଛି ସ୍ପଷ୍ଟ ସୂଚନା ମିଳିପାରିନାହିଁ । ବୌଦ୍ଧ ପୁଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଜାରି ରଖିଛି । ତେବେ ପ୍ରତିଦିନ ଗଞ୍ଜେଇ ମାଫିଆଙ୍କ ଉପରେ ଚଢାଉ କରି ବିପୁଳ ମାତ୍ରାରେ ଜବତ କରାଯାଉଥିବାବେଳେ ଗୁଳିକାଣ୍ଡ ପଛରେ ସେମାନଙ୍କ ହାତ ଥିବା ସନ୍ଦେହ କରାଯାଉଛି ।
Comments are closed.