ବୌଦ୍ଧ : ବୌଦ୍ଧ ସରକାରୀ ପଲିଟେକ୍ନିକରେ ଵିଶ୍ୱ ଯୁବ ଦକ୍ଷତା ଦିବସ-୨୦୨୨ ଏବଂ ବନ ମହୋତ୍ସବ ପାଳନ କରାଯାଇଛି । ଏହି ଅଵସରରେ ମୁଖ୍ୟ ଅତିଥି ଭାବେ ଜିଲା ଶିକ୍ଷା ଅଧିକାରୀ ଡ. ଉଦୟନାଥ ମାଝି ଯୋଗଦେଇ ଛାତ୍ରଛାତ୍ରୀ ମାନଙ୍କୁ ଦକ୍ଷତା ଵିକାଶ ଦିଗରେ ଆଗେଇବାକୁ ପରାମର୍ଶ ଦେଇଥିଲେ। ଏହି ଉପଲକ୍ଷେ ଛାତ୍ରଛାତ୍ରୀମାନଙ୍କ ମଧ୍ୟରେ ବିଭିନ୍ନ ପ୍ରକାର ପ୍ରତିଯୋଗିତା ଅନୁଷ୍ଠିତ ହୋଇଥିଲା। ବିଜେତା ପ୍ରତିଯୋଗୀ ମାନଙ୍କୁ ପୁରଷ୍କାର ବିତରଣ କରାଯାଇଥିଲା। ନେହେରୁ ଯୁଵକେନ୍ଦ୍ର ବୌଦ୍ଧର କର୍ମକର୍ତ୍ତାମାନେ ସଭାରେ ଯୋଗଦେଇ ଦକ୍ଷତା ଵିକାଶର ମନ୍ତ୍ର ଵୁଝାଇଥିଲେ। କାର୍ଯ୍ୟକ୍ରମରେ ଅଧ୍ୟକ୍ଷତା କରି ଅଧ୍ୟକ୍ଷ ମନ୍ମଥ କୁମାର ମାଝି ଏହି ଦିବସ ପାଳନର ଯଥାର୍ଥତା ଵିଷୟରେ ଵୁଝାଇଥିଲେ। ଏହି ସଭାରେ ଅନୁଷ୍ଠାନର ଅଧ୍ୟାପକ, ଅଧ୍ୟାପିକା ବୃନ୍ଦ ଓ ଅନ୍ୟାନ୍ୟ କର୍ମକର୍ତ୍ତା ସହଯୋଗ କରିଥିଲେ। ଅଧ୍ୟାପିକା ଅମିତା ଜସ୍ମିନ ସ୍ମରଣିକା ସଭାକାର୍ଯ୍ୟ ପରିଚାଳନା କରିଥିଲେ। ହରେକୃଷ୍ଣ ପ୍ରଧାନଙ୍କୁ ଅନୁଷ୍ଠାନର ସର୍ବଶ୍ରେଷ୍ଠ ଛାତ୍ର ହିସାବରେ ସମ୍ମାନିତ କରାଯାଇଥିଲା। ପ୍ରାରମ୍ଭରେ ମୂଖ୍ୟ ଅତିଥି, ଅନୁଷ୍ଠାନର କର୍ମକର୍ତ୍ତା ଓ ଛାତ୍ରଛାତ୍ରୀଙ୍କ ଦ୍ୱାରା ପ୍ରାୟ ୫୦ ଗୋଟି ଚାରା ରୋପଣ କରାଯାଇଥିଲା।
Comments are closed.