ବୌଦ୍ଧ: ପଶ୍ଚିମ ଓଡ଼ିଶାରେ କୋଭିଡ ସଂକ୍ରମଣ ତୀବ୍ର ବେଗରେ ବଢୁଛି। ଆକ୍ରାନ୍ତ ରୋଗୀଙ୍କ ଚିକିତ୍ସାରେ ଅବହେଳା ନେଇ ବିଭିନ୍ନ ଜିଲାରୁ ଅଭିଯୋଗ ଆସୁଛି। ହେଲେ ବୌଦ୍ଧ ଜିଲା ପ୍ରଶାସନ ଆଗୁଆ ସତର୍କତା ଅବଲମ୍ବନ କରିଥିବା ଜଣାଯାଇଛି। ସଂକ୍ରମିତ ରୋଗୀ ଏବଂ ତତ୍ସମ୍ପର୍କିତ ଅନ୍ୟାନ୍ୟ ବିଷୟରେ ଅନୁସନ୍ଧାନ ପାଇଁ ଜିଲା ପ୍ରଶାସନ ତରଫରୁ ୨୪ ଘଣ୍ଟିଆ ନିୟନ୍ତ୍ରଣ କକ୍ଷ ପରିଚାଳନା କରି ସ୍ୱତନ୍ତ୍ର ମୋବାଇଲ ନମ୍ବର ଜାରି କରାଯାଇଛି। ବୌଦ୍ଧ ଜିଲା ଜରୁରୀକାଳୀନ ଅଫିସ, ଜିଲା ମୁଖ୍ୟ ଚିକିତ୍ସାଳୟ ଓ କୋଭିଡ ସ୍ୱାସ୍ଥ୍ୟକେନ୍ଦ୍ରଠାରେ ଏହି ନିୟନ୍ତ୍ରଣ କକ୍ଷ ପରିଚାଳିତ ହେବା ସମ୍ପର୍କରେ ପ୍ରଶାସନ ସୂଚନା ଦେଇଛି। ସେଥିପାଇଁ ଏକାଧିକ ଫୋନ୍ ନଂ: ୭୮୭୪୮୦୦୪୧୫୮, ୦୬୮୪୧-୨୨୨୦୨୩(୨୨୨୨୨୫)(୨୨୨୨୧୭) ପ୍ରଶାସନ ପକ୍ଷରୁ ଜାରି କରାଯାଇଛି। ଏହି ସହାୟତା ନମ୍ବର ଜରିଆରେ ରୋଗୀର ସ୍ୱାସ୍ଥ୍ୟଗତ ପରାମର୍ଶ ଓ ଅନ୍ୟାନ୍ୟ ସ୍ୱାସ୍ଥ୍ୟଗତ ସମସ୍ୟା ସମ୍ପର୍କରେ ସୂଚନା ସଂଗ୍ରହ କରିବାକୁ ପ୍ରଶାସନ ପକ୍ଷରୁ ପରାମର୍ଶ ଦିଆଯାଇଛି।
Popular Categories
Previous article
Next article