କଟକ : ନେତାଜୀ ସୁବାଷ ଚନ୍ଦ୍ର ବୋଷଙ୍କ ୧୨୨ତମ ଜନ୍ମତିଥି ଅବସରରେ ମଙ୍ଗଳବାର ରେଭେନ୍ସା ବିଶ୍ୱବିଦ୍ୟାଳୟ ପରିସରରେ ନେତାଜୀଙ୍କ ଅଦମ୍ୟ ସାହସ ଓ ଦେଶପ୍ରେମର ଗାଥାକୁ ନିର୍ମିତ ଚଳଚ୍ଚିତ୍ର ‘ବୋଷ’ ପଦର୍ଶିତ କରାଯାଇଥିଲା। ବିଶ୍ୱବିଦ୍ୟାଳୟ କିଛି ଛାତ୍ରଛାତ୍ରୀ ମାନଙ୍କ ଦ୍ୱାରା ଏହି ଚଳଚ୍ଚିତ୍ର ପଦର୍ଶନ କାର୍ଯ୍ୟକ୍ରମ ଆୟୋଜନ କରାଯାଇଥିଲା। ଯାହାକୁ ‘ଆଜ୍ କି ସାମ ନେତାଜୀ କେ ନାମ’ରେ କାର୍ଯ୍ୟକ୍ରମ କରାଯାଇଥିଲା। ଏହି ଚଳଚ୍ଚିତ୍ରରେ ନେତାଜୀ ୧୯୪୩ ଅକ୍ଟୋବର ୨୧ରେ କିପରି ଆଜାଦ ହିନ୍ଦ୍ ସରକାର ଗଠନ କରିଥିଲେ ତାହା ଦର୍ଶାଯାଇଛି। ସୂଚନା ଅନୁସାରେ ଏହି ଚଳଚ୍ଚିତ୍ର ଦେଖିବା ପାଇଁ ବିଶ୍ୱବିଦ୍ୟାଳୟର ବାଣିଜ୍ୟ ବିଭାଗ ନିକଟରେ ଆୟୋଜନ କରାଯାଇଥିଲା। ମଙ୍ଗଳବାର ସନ୍ଧ୍ୟା ୫.୩୦ରେ ଏହି ଚଳଚ୍ଚିତ୍ର କରାଯିବାକୁ ସମୟ ଧାର୍ଯ୍ୟ କରାଯାଇଥିଲା। ବିଶ୍ୱବିଦ୍ୟାଳୟର ବହୁ ଛାତ୍ରଛାତ୍ରୀ ଏହି ଚଳଚ୍ଚିତ୍ର ଦେଖିବାକୁ ଆସିଥିଲେ। ଏହାଦ୍ୱାରା ଛାତ୍ରଛାତ୍ରୀ ମାନଙ୍କ ମଧ୍ୟରେ ଦେଶପ୍ରେମ ସହ ନେତାଜୀଙ୍କ ଜୀବନ କାହାଣୀ ପ୍ରୋତ୍ସାହିତ କରିବ ବୋଲି ଆୟୋଜକ ଛାତ୍ରଛାତ୍ରୀ ମତବ୍ୟକ୍ତ କରିଛନ୍ତି।
Popular Categories
Previous article
Next article