ଅଭିଷେକଙ୍କ ସହ ସମ୍ପର୍କ ନେଇ ମୁହଁ ଖୋଲିଲେ ନିମ୍ରତ; ଐଶ୍ୱର୍ଯ୍ୟାଙ୍କ ପ୍ରତିକ୍ରିୟାକୁ ଅପେକ୍ଷା . . .

ମୁମ୍ବାଇ: ଐଶ୍ୱର୍ଯ୍ୟା ରାୟ ବଚ୍ଚନ ଏବଂ ଅଭିଷେକ ବଚ୍ଚନଙ୍କ ଛାଡପତ୍ର ନେଇ ବଲିଉଡରେ ଚର୍ଚ୍ଚା ବେଶ ଜୋର ଧରିଛି। ଅଭିଷେକଙ୍କ ନାମ ଅଭିନେତ୍ରୀ ନିମ୍ରତ କୌରଙ୍କ ସହ ଯୋଡି ହେବା ପରଠାରୁ ଖପ୍ପା ହୋଇଛନ୍ତି ପତ୍ନୀ ଐଶ୍ୱର୍ଯ୍ୟ। ନିମ୍ରତ ଓ ଅଭିଷେକ ଭିଡ଼ିଓ ମଧ୍ୟ ଗତ କିଛି ଦିନ ହେବ ଭାଇରାଲ ହେବାରେ ଲାଗିଛି। ନିମ୍ରତଙ୍କ ଯୋଗୁଁଁ ଐଶ୍ୱର୍ଯ୍ୟା ଓ ଅଭିଷେକଙ୍କ ମଧ୍ୟରେ ଫାଟ ସୃଷ୍ଟି ହୋଇଥିବା ଅନେକ ଚର୍ଚ୍ଚା ହେଉଛି। ଏକ ରିପୋର୍ଟ ଅନୁସାରେ ନିମ୍ରତ ଏଭଳି ଚର୍ଚ୍ଚାକୁ ନେଇ ମୁହଁ ଖୋଲିଛନ୍ତି। ସେ କହିଛନ୍ତି ‘ମୁଁ କିଛି ବି କରିପାରିବି, ଲୋକମାନେ ଯାହା କହିବାକୁ ଚାହୁଁଛନ୍ତି, ତାହା କହିପାରିବେ। ଏଭଳି ଗପସପ ବନ୍ଦ କରିବା ସମ୍ଭବ ନୁହେଁ ଏବଂ ମୁଁ ମୋ କାମରେ ଧ୍ୟାନ ଦେବାକୁ ପସନ୍ଦ କରେ’। ନିମ୍ରତ କୌରଙ୍କ ଏଭଳି ବୟାନ ପରେ ଫ୍ୟାନ୍ସମାନେ ଐଶ୍ୱର୍ଯ୍ୟାଙ୍କ ପ୍ରତିକ୍ରିୟାକୁ ଅପେକ୍ଷା କରିଛନ୍ତି। ଅଭିଷେକ ବଚ୍ଚନ ଏବଂ ଐଶ୍ୱର୍ଯ୍ୟା ରାୟ ବଚ୍ଚନଙ୍କ ଛାଡପତ୍ର ଗୁଜବ ଚଳିତ ବର୍ଷ ଜୁଲାଇରୁ ଆରମ୍ଭ ହୋଇଥିଲା। ଯେତେବେଳେ ଦୁହେଁ ଏକ ଇଭେଣ୍ଟରେ ଅଲଗା ଅଲଗା ନଜର ଆସିଥିଲେ। ଅଭିଷେକ, ଜୟା ବଚ୍ଚନ, ଅମିତାଭ ବଚ୍ଚନ, ଓ ଭଉଣୀ ଶ୍ୱେତା ବଚ୍ଚନ ନନ୍ଦା ଅଲଗା ଏକାଠି ପହଞ୍ଚିଥିବା ବେଳେ ଐଶ୍ୱର୍ଯ୍ୟା ଏବଂ ଆରାଧ୍ୟା ଏକାଠି ଯାଇଥିଲେ। ଦୁହେଁ ଭିନ୍ନ ଭିନ୍ନ ଫଟୋ ମଧ୍ୟ ଉଠାଇଥିଲେ।