ବୋଲଗଡ଼ : ଭାରତୀୟ ଜନତାପାର୍ଟର ରାଷ୍ଟ୍ରୀୟ ଅଧ୍ୟକ୍ଷ ଜଗତପ୍ରସାଦ ନଡ୍ଡାଙ୍କ ଆହ୍ୱାନକ୍ରମେ ସାରା ଦେଶରେ ମଣ୍ଡଳସ୍ତରୀୟ ପ୍ରଶିକ୍ଷଣ ଶିବିର କାର୍ଯ୍ୟକ୍ରମ ଚାଲୁରହିଅଛି। ଏହି ଅବସରରେ ଦଳୀୟ ସଙ୍ଗଠନକୁ ସର୍ବସ୍ପର୍ଶୀ, ସର୍ବବ୍ୟାପି ଓ ସର୍ବଗ୍ରାହୀ କରିବା ସହିତ ସ୍ୱନେତୃତ୍ୱକୁ ପୂର୍ଣ୍ଣ ବିକଶିତ କରିବାପାଇଁ ଶନିବାର ବୋଲଗଡସ୍ଥିତ ନନ୍ଦିଘୋଷ ଭବନଠାରେ ବୋଲଗଡ ମଣ୍ଡଳ ପକ୍ଷରୁ ଏକ ଦିନିକିଆ ପ୍ରଶିକ୍ଷଣ ଶିବିର ଅନୁଷ୍ଠିତ ହୋଇଯାଇଛି। ଏହି ପ୍ରଶିକ୍ଷଣ ଶିବିରରେ ଜିଲ୍ଲାସଭାପତି ରଶ୍ମିରଞ୍ଜନ ମହାପାତ୍ର, ଖୋର୍ଦ୍ଧାଜିଲ୍ଲା ପୂର୍ବତନ ଜିଲ୍ଲାସଭାପତି ନିକୁଞ୍ଜ ପଟ୍ଟନାୟକ, ବୋଲଗଡ ବେଗୁନିଆ ନିର୍ବାଚନ ମଣ୍ଡଳୀର ବିଜେପି ନେତା ଋଷଭ ନନ୍ଦ ଓ ଭୁବନେଶ୍ୱର ସଂସଦାଙ୍କ ବୋଲଗଡ-ବେଗୁନିଆ ପ୍ରତିନିଧି ବିଜେପିନେତ୍ରୀ ଅନୁ ଚୌଧୁରୀ, ଦଳୀୟ କାର୍ଯ୍ୟକର୍ତ୍ତାଙ୍କୁ ଉଦ୍ବୋଧନ ଦେବା ସହିତ ଆଗାମୀ ଦିନରେ ଦଳୀୟ ସଙ୍ଗଠନକୁ ସୁଦୃଢ ଓ ମଜବୁତ୍ କରିବା ସହିତ ପଞ୍ଚାୟତସ୍ତରର ନିର୍ବାଚନ ପାଇଁ ପ୍ରସ୍ତୁତି ସହିତ କିପରି ବିଜୟୀ ହୋଇପାରିବେ ରଣନିତୀ ଆପଣାଇବାକୁ ଆହ୍ୱାନ ଦେଇଥିଲେ। ଏହି କାର୍ଯ୍ୟକ୍ରମରେ ବିଜେପିର ଜିଲ୍ଲା ଉପସଭାପତି ରଘୁନାଥ ଷଡଙ୍ଗୀ,ରୋଜିନା ଦାସ,ବୋଲଗଡ ବ୍ଲକ ସାଂସଦଙ୍କ ପ୍ରତିନିଧି ଲୋତକବିନ୍ଦୁ ପଟ୍ଟନାୟକ,ନିର୍ବାଚନ ମଣ୍ଡଳୀର ପ୍ରଶିକ୍ଷଣ ସଂଯୋଜକ ସୁବାସ ମିଶ୍ର, ବୋଲଗଡ ମଣ୍ଡଳସଭାପତି ସଞ୍ଜୟ ବେହେରା,କର୍ପୁର ସାହୁ,ଅଜିତ୍ ପଟ୍ଟନାୟକ,ବନ୍ଧୁ ଭୋଳ,ବିନୋଦ ମହାରଣା,ଜଗବନ୍ଧୁ ମୁଦୁଲି ପ୍ରମୁଖ ଏହି ଦିନିକିଆ କାର୍ଯ୍ୟକ୍ରମରେ ଯୋଗ ଦେଇଥିଲେ।
Popular Categories
Previous article
Next article