ଫୁଲବାଣୀ : କନ୍ଧମାଳ ଜିଲ୍ଲାର ଖଜୁରୀପଡ଼ା ବ୍ଲକ୍ ଅନ୍ତର୍ଗତ ଆଡାସିପଡା ପଞ୍ଚାୟତ ବଡଭୁଇଁ ନିକଟରେ ସନ୍ଧ୍ୟା ସମୟରେ ଏକ ବୋଲେରୋ ଗାଡ଼ି ଧକ୍କାରେ ଇଲେକ୍ଟ୍ରିକ୍ ଖୁଣ୍ଟ ଭାଙ୍ଗି ଯାଇଛି । ସୂଚନା ପ୍ରକାରେ ଆଖି ଅପରେସନ ପାଇଁ ଲୋକମାନଙ୍କ ପାଖକୁ ଆସିଥିବା ଏକ ବୋଲେରୋ ଆଡାସିପଡା ଆଡୁ ଫୁଲବାଣୀ ଯାଉଥିବା ସମୟରେ ବଡଭୁଇଁଠାରେ ଏକ ବିଦ୍ୟୁତ୍ ଖୁଣ୍ଟକୁ ଧକ୍କା ଦେବା ଫଳରେ ଖୁଣ୍ଟ ଭାଙ୍ଗି ଯାଇଛି । ଯାହା ଫଳରେ ପ୍ରାୟ ଚାରି ଘଣ୍ଟା ଅଞ୍ଚଳରେ ବିଦ୍ୟୁତ୍ ବନ୍ଦ ହୋଇ ଯାଇଥିଲା । ବୋଲେରୋଟି ଧକ୍କା ଦେଇ ଫେରାର ହୋଇଯାଇଛି। ବଲସକୁମ୍ପା ବିଜେପି ମଣ୍ଡଳ ସଭାପତି ମନୋଜ ବେହେରା ଓ ଯୁବ ମୋର୍ଚ୍ଚା ଦେବାଶିଷ ସାହାଣୀ ଏହି ଖବର ବିଦ୍ୟୁତ୍ କାର୍ଯ୍ୟାଳୟକୁ ଦେବା ପରେ କର୍ମଚାରୀମାନେ ଆସି ନୂତନ ଖୁଣ୍ଟ ପୋତିଥିଲେ । ପରେ ବିଦ୍ୟୁତ୍ ସରବରାହ ଆରମ୍ଭ ହୋଇଥିଲା ।
Comments are closed.