ବଲାଙ୍ଗିର: ପାଟଣାଗଡ଼ର ପ୍ରସିଦ୍ଧ ଇଷ୍ଟଦେବୀ ମା’ ପାଟଣେଶ୍ୱରୀଙ୍କ ପାଟଖଣ୍ଡାକୁ ରବିବାର ରାତିରେ ପଞ୍ଚବାଦ୍ୟ ସହ ଶାେଭାଯାତ୍ରାରେ ସ୍ଥାନୀୟ ପୋଖରୀକୁ ନିଆଯାଉଥିବା ବେଳେ ନିଶାନ ବାଦକ କୁଶ କାଲସାଏଙ୍କ ମୃତ୍ୟୁ ଘଟିଛି। ସେ ବାଦ୍ୟ ବଜାଉଥିବା ଅବସ୍ଥାରେ ହଠାତ୍ ଅଚେତ ହୋଇପଡ଼ିଥିଲେ। ତାଙ୍କୁ ଡାକ୍ତରଖାନା ଅଣା ଯାଇଥିଲେ ମଧ୍ୟ ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ। ନକଟାସର ଗ୍ରାମରେ ରହୁଥିବା କୁଶଙ୍କ ପୁଅ ବନମାଳୀ କାଲସାଏ ଏହି ଖବର ପାଇ ବିଳମ୍ବିତ ରାତିରେ ପାଟଣାଗଡ଼ ଡାକ୍ତରଖାନାରେ ପହଞ୍ଚିଥିଲେ। ତାଙ୍କ ପିତା ଦେବ କାର୍ଯ୍ୟରେ ନିୟୋଜିତ ଥିବା ବେଳେ ମୃତ୍ୟୁବରଣ କରିଛନ୍ତି। ତେଣୁ ସରକାରୀ ସାହାଯ୍ୟ ଯୋଗାଇ ଦେବାକୁ ବନମାଳି ଦାବି କରିଥିଲେ। କିନ୍ତୁ ଦୀର୍ଘ ସମୟ ପର୍ଯ୍ୟନ୍ତ ଦେବୋତ୍ତର ବିଭାଗର କେହି ଅଧିକାରୀ କି କର୍ମଚାରୀ ଡାକ୍ତରଖାନାକୁ ନଆସିବାରୁ ଶବ ବ୍ୟବଚ୍ଛେଦ ହୋଇ ନପାରି ଡାକ୍ତରଖାନାରେ ପଡ଼ି ରହିଥିଲା। ଶେଷରେ ଦେବୋତ୍ତର କିରାଣୀ ଦିଲ୍ଲୀପ ବଗର୍ତ୍ତି ଆସି ମୃତଦେହକୁ ଗାଁକୁ ନେବା ପାଇଁ ଗାଡ଼ି ବନ୍ଦୋବସ୍ତ କରିବା ସହ କୁଶଙ୍କ ପଅଙ୍କୁ ୧ ହଜାର ଟଙ୍କା ଶବଦାହ ପାଇଁ ପ୍ରଦାନ କରିଥିଲେ। ଆର୍ଥିକ ସହାୟତା ବନ୍ଦୋବସ୍ତ କରାଯିବ ବୋଲି ସେ ପ୍ରତିଶୃତି ଦେବା ପରେ ଶବ ବ୍ୟବଚ୍ଛେଦ ପାଇଁ ପଠା ଯାଇଥିଲା।
Comments are closed.