ବଲାଙ୍ଗୀର: ସୋନପୁର-ବଲାଙ୍ଗୀର ଜାତୀୟ ରାଜପଥରେ ମର୍ମନ୍ତୁଦ ସଡକ ଦୁର୍ଘଟଣା ଘଟିଛି । ଗୋଟିଏ ଅଟୋକୁ କାର୍ ଧକ୍କା ଦେବା ଫଳରେ ଘଟଣାସ୍ଥଳରେ ୩ଜଣଙ୍କ ମୃତ୍ୟୁ ହୋଇଛି । ଦୁର୍ଘଟଣାରେ ୫ଜଣ ଗୁରୁତର ମଧ୍ୟ ହୋଇଥିବା ଜଣାପଡ଼ିଛି । ସମସ୍ତ ଗୁରୁତରଙ୍କୁ ନିକଟସ୍ଥ ସୋନପୁର ଡାକ୍ତରଖାନାରେ ଭର୍ତ୍ତି କରାଯାଇଛି । ହେଲେ ବର୍ତ୍ତମାନ ସୁଦ୍ଧା ମୃତକ ଓ ଗୁରୁତର ମାନଙ୍କ ପରିଚୟ ମିଳିପାରିନାହିଁ । ତାହାଛଡ଼ା କାର୍ ଓ ଅଟୋ ମଧ୍ୟରେ କେତେଜଣ ଯାତ୍ରୀ ଥିଲେ ତାହା ଜଣାପଡ଼ିନାହିଁ । ହେଲେ କାର୍ ଭିତରେ ଜଣେ ପୁଲିସଙ୍କ ଡ୍ରେସ୍ ଥିବା ଦେଖିବାକୁ ମିଳିଛି । ଦୁର୍ଘଟଣା ଘଟାଇଥିବା କର୍ରେ କେହି ଜଣେ ପୁଲିସ କର୍ମଚାରୀ ଥିବା ଅନୁମାନ କରାଯାଉଛି । ଏନେଇ କୌଣସି ସ୍ପଷ୍ଟ ତଥ୍ୟ ମିଳିନଥିବା ବେଳେ ଘଟଣାସ୍ଥଳରେ ପୁଲିସ ପହଞ୍ଚି ତଦନ୍ତ ଆରମ୍ଭ କରିଛି ।
Comments are closed.