ବୋଲଗଡ: ଧାରା ଶ୍ରାବଣମାସ ସରିଥିଲେ ମଧ୍ୟ ଚାଷ ପାଇଁ ଆବଶ୍ୟକୀୟ ବର୍ଷା ହୋଇପାରି ନଥିଲା। ଚାଷ ଜମିରେ ଗାଇ ଚରିବା ସଂଗେସଂଗେ ଧାନ ରୁଆ ଜମି ଫାଟି ଆଁ କରିଥିଲା। ତେଣୁ ମହାମାରୀ କରୋନା ସମୟରେ ଚାଷୀ ମୁଣ୍ଡରେ ହାତଦେଇ ବସିଥିଲା। କିନ୍ତୁ ୨ ଦିନ ଧରି ଲଘୁଚାପ ଜନିତ ବର୍ଷା ହୋଇରୁ ଚାଷୀ ମନରେ ଆନନ୍ଦ ଆସିଛି। ଚାଷ ତରତର ବଣିଜ ମଠ ନିତିରେ ଚାଷୀ ତଳିରୁଆ କାମ ଆରମ୍ଭ କରିଛି। ବୋଲଗଡ ବ୍ଲକ ଅଂଚଳରେ ଜଳସେଚନର ବ୍ୟବସ୍ଥା ନଥିବାରୁ ଚାଷୀ ସର୍ବଦା ବର୍ଷା ଜଳ ଉପରେ ନିର୍ଭର କରିଥାଏ। ଏହା କୃଷି ବହୁଳ ଅଂଚଳ ହୋଇଥିବାରୁ ରାଜ୍ୟ ସରକାର ଚାଷ ଓ ଚାଷୀର ବିକାଶ ପାଇଁ ଜଳସେଚନ ନିମନ୍ତେ ଆର୍ଥିକ ଅନୁଦାନ ଯୋଗାଇଦେବାକୁ ଚାଷୀ ମାନେ ଦୃଢ ଦାବୀ କରିଅଛନ୍ତି। ଆଗାମି ଦିନରେ ଚାଷପାଇଁ ବହୁଳ ବର୍ଷା ଜଳ ଆବଶ୍ୟକତା ଥିବାରୁ ଲୋକମାନେ ଇନ୍ଦ୍ରଦେବତାଙ୍କୁ ପୂଜା କରିବା ସଂଗେସଂଗେ ବେଙ୍ଗବେଙ୍ଗୁଲିକୁ ବିବାହ କରୁଥିବାର ଦେଖାଯାଇଛି।
Popular Categories
Previous article
Next article