ନୂଆଦିଲ୍ଲୀ: ମଞ୍ଜୁରୀ ପାଇଁ ନଥିବା ବିଷୟ ବସ୍ତୁ ପ୍ରସାରଣ ନ କରିବା ଏବଂ ପ୍ରସାରଣ ପୂର୍ବରୁ ଆବଶ୍ୟକ ସ୍ଵୀକୃତି ହାସଲ କରିବା ନେଇ ଶୁକ୍ରବାର ନିର୍ବାଚନ କମିଶନ ନମୋ ଟିଭିକୁ ନିର୍ଦ୍ଦେଶ ଦେବା ପରେ ଆଜି ବିଜେପି ପକ୍ଷରୁ ଦିଲ୍ଲୀ ମୁଖ୍ୟ ନିର୍ବାଚନ ଅଧିକାରୀଙ୍କୁ ଅବଗତ କରାଯାଇଛି। ଦଳ ପକ୍ଷରୁ କୁହାଯାଇଛି ଯେ କମିଶନଙ୍କ ନିର୍ଦ୍ଦେଶ ମୁତାବକ ସମସ୍ତ ପ୍ରାମାଣିକ ବିଷୟବସ୍ତୁ ହଟାଇ ଦିଆଯାଇଛି ଏବଂ ପରବର୍ତ୍ତୀ ସମୟରେ କେବଳ ସ୍ଵୀକୃତି ପ୍ରାପ୍ତ ବିଷୟବସ୍ତୁ ନମୋ ଟିଭି ମାଧ୍ୟମରେ ପ୍ରସାରଣ କରାଯିବ। ବିଜେପି ଏକଥା ମଧ୍ୟ କହିଛି ଯେ ପୂର୍ବରୁ ପ୍ରସାରିତ ହୋଇଥିବା ବିଷୟବସ୍ତୁ ମଧ୍ୟ ଆଉ ପ୍ରସାରଣ କରିବା ନାହିଁ।
ପୂର୍ବରୁ ମୁଖ୍ୟ ନିର୍ବାଚନ ଅଧିକାରୀ ନମୋ ଟିଭିକୁ କେତେକ ପ୍ରଶ୍ନ ପଚାରି ଜବାବ ଚାହିଁଥିଲେ। ନମୋ ଟିଭିରେ ପ୍ରସାରିତ ହେଉଥିବା କାର୍ଯ୍ୟକ୍ରମ ଅନୁମୋଦିତ କି ନାହିଁ, ସେଗୁଡିକ ସାମାଜିକ ଗଣମାଧ୍ୟମ କିମ୍ବା ଟିଭି ପ୍ରସାରଣ ପାଇଁ ଉଦ୍ଦିଷ୍ଟ ଭଳି ପ୍ରଶ୍ନର ଉତ୍ତର ଦେବାକୁ ଯାଇ ବିଜେପି ପକ୍ଷରୁ ଏହି ଉତ୍ତର ଦିଆଯାଇଛି।
