ତିରୁଅନନ୍ତପୁରମ : କେରଳର ୱାୟନାଡ ଲୋକସଭା ଆସନ ପାଇଁ ଏନ୍ଡିଏ ସୋମବାର ତୁଷାର ଭେଲାପାଲିଙ୍କୁ ନିଜ ପ୍ରାର୍ଥୀ ଘୋଷିତ କରିଛି। ବିଜେପିର ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହା ଟ୍ୱିଟ୍ ଯୋଗେ ଏହି ସୂଚନା ଦେଇଛନ୍ତି। ଏହି ଆସନରୁ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ ମଧ୍ୟ ନିର୍ବାଚନ ଲଢୁଛନ୍ତି। କଂଗ୍ରେସ ପକ୍ଷରୁ ଘୋଷଣା କରାଯାଇଥିଲା ଯେ ରାହୁଲ ଗାନ୍ଧୀ ଉତ୍ତରପ୍ରଦେଶର ଅମେଠି ସହ କେରଳର ୱାୟନାଡ ଲୋକସଭା ଆସନରୁ ନିର୍ବାଚନ ଲଢିବେ। ଏବେ ୱାୟନାଡରେ ରାହୁଲଙ୍କୁ ସିଧା ସଳଖ ଟକ୍କର ଦେବେ ଏନଡିଏର ତୁଷାର ଭେଲାପାଲି। ଅମିତ ଶାହା ଟ୍ୱିଟ୍ କରିଛନ୍ତି ଯେ ୱାୟନାଡରୁ ଭାରତ ଧର୍ମ ଜନସେନା (ବିଡିଜେଏସ୍) ଅଧ୍ୟକ୍ଷ ତୁଷାର ଭେଲାପାଲ ଏନଡିଏ ପାଇଁ ପ୍ରାର୍ଥୀ ହେବେ। କେରଳର ୨୦ ଲୋକସଭା ଆସନ ପାଇଁ ବିଜେପି ନେତୃତ୍ୱାଧୀନ ଜାତୀୟ ଗଣତାନ୍ତ୍ରିକ ମେଣ୍ଟ (ଏନଡିଏ)ରେ ବିଡିଜେଏସ୍କୁ ୫ଟି ଆସନ ମିଳିଛି। ଏହାବାଦ କେରଳ କଂଗ୍ରେସ ଗୋଟିଏ ଓ ବିଜେପି ୧୪ଟି ଲୋକସଭା ଆସନରେ ନିର୍ବାଚନ ଲଢିବେ। ବିଡିଜେଏସ୍ ପ୍ରଥମ ଥର ଲୋକସଭା ର୍ନିବାଚନରେ ପ୍ରତିଦ୍ୱନ୍ଦ୍ୱିତା କରୁଛି।
Popular Categories
Previous article
Next article