ରେଙ୍ଗାଲି : ରେଙ୍ଗାଲି ନିକଟସ୍ଥ ସାଲେପଡା ଗ୍ରାମର ଦେବେନ୍ଦ୍ର ଓରାମ ନାମକ ଜନୈକ ଯୁବକ ଆଜି ତାଙ୍କ ହୋଣ୍ଡା ସାଇନ୍ ବାଇକରେ ଲଖନପୁର ଅଞ୍ଚଳକୁ ଯାଉଥିଲେ। ଦିନ ପ୍ରାୟ ୧୧ଟା ସମୟରେ ସାଳଡ ଗ୍ରାମର ଅନତି ଦୂରତାରେ ଥିବା ଛକ ପାଖରେ ତାଙ୍କୁ ୩ଜଣ ଯୁବକ ଏକ ବାଇକ୍ ରେ ପିଛା କରି ବାଇକ୍ ଅଟକାଇବାକୁ ଧମକ ଦେଇଥିଲେ। ଏହାପରେ ସେମାନେ ଦେବେନ୍ଦ୍ରକୁ ବନ୍ଧୁକ ଦେଖାଇ ଭୟଭୀତ କରିବା ସହିତ ବନ୍ଧୁକର ପଛ ଭାଗରେ ଦେବେନ୍ଦ୍ରର ମୁଣ୍ଡରେ ଅଘାତ ଦେଇ ବାଇକ୍ ଲୁଟି ନେଇ ଘଟଣାସ୍ଥଳରୁ ଫେରାର୍ ହୋଇ ଯାଇଥିଲେ ବୋଲି ଦେବେନ୍ଦ୍ର ଓରାମ ଅଭିଯୋଗ କରିଛନ୍ତି। ମୁଣ୍ଡରେ ଅଘାତ ଲାଗି ଥିବାରୁ ଦେବେନ୍ଦ୍ର ରେଙ୍ଗାଲି ଡାକ୍ତରଖାନାରେ ନିଜର ପ୍ରାଥମିକ ଚିକିତ୍ସା କରାଇଥିଲେ। ତେବେ ଥାନା ଅଧିକାରୀ ଧବଲେଶ୍ୱର ସାହୁ ଙ୍କୁ ପଚରା ଯିବାରୁ ଦିନ ୧୧ ଟାରେ ବାଇକ୍ ଲୁଟ୍ ହୋଇଥିଲେ ମଧ୍ୟ ଥାନାରେ ଏସଂକ୍ରାନ୍ତରେ ଏପର୍ଯ୍ୟନ୍ତ କୌଣସି ଲିଖିତ ଅଭିଯୋଗ ହୋଇ ନାହିଁ । ଅଭିଯୋଗ ଆସିଲେ ଘଟଣାର ତଦନ୍ତ କରାଯିବ ବୋଲି ଶ୍ରୀ ସାହୁ ପ୍ରତିକ୍ରିୟା ବ୍ୟକ୍ତ କରିଛନ୍ତି।
Popular Categories
Previous article
Next article