ପାଟଣା : ବିହାରର ମୁଖ୍ୟମନ୍ତ୍ରୀ ନୀତିଶ କୁମାର ସୋମବାର ‘ବିହାର ଲଘୁ ଉଦ୍ୟମୀ ଯୋଜନା’ ଆରମ୍ଭ କରିଛନ୍ତି । ଏହା ସହିତ ସେ ଏହି ଯୋଜନା ସମ୍ପର୍କିତ ଏକ ପୋର୍ଟାଲ ମଧ୍ୟ ଲୋକାର୍ପଣ କରିଛନ୍ତି । ଏହି ଅବସରରେ ମୁଖ୍ୟମନ୍ତ୍ରୀ କହିଛନ୍ତି କି ଜାତି ଆଧାରିତ ଗଣନା ସମୟରେ କରାଯାଇଥିବା ସର୍ଭେରୁ ଜଣାପଡୁଛି କି ରାଜ୍ୟରେ ୯୪ ଲକ୍ଷରୁ ଅଧିକ ଗରିବ ପରିବାର ଅଛନ୍ତି ଯେଉଁମାନଙ୍କୁ ଆର୍ଥିକ ସହାୟତାର ଆବଶ୍ୟକତା ରହିଛି । ସେହି ପରିବାରଗୁଡିକୁ ୨ ଲକ୍ଷ ଲେଖାଏଁ ସହାୟତା ରାଶି ଦିଆଯିବ ଯାହା ଫଳରେ ସେମାନେ ନିଜ ବ୍ୟବସାୟ ଆରମ୍ଭ କରିପାରିବେ । ଏଥିପାଇଁ ସେମାନଙ୍କୁ ପ୍ରଶିକ୍ଷଣ ମଧ୍ୟ ଦିଆଯିବ ।
ନୀତିଶ କୁମାର କହିଛନ୍ତି କି ଆର୍ଥିକ ରୂପେ ଗରିବ ପରିବାରଙ୍କୁ ରୋଜଗାର ଯୋଗାଇ ଦେବାପାଇଁ ‘ବିହାର ଲଘୁ ଉଦ୍ୟମୀ ଯୋଜନା’ ଆରମ୍ଭ କରାଯାଇଛି । ସେ ଅଧିକାରୀଙ୍କୁ ସମସ୍ତ ଜାତି, ଧର୍ମର ଲୋକଙ୍କ ମଧ୍ୟରେ ଏହି ଯୋଜନାର ପ୍ରଚାର-ପ୍ରସାର କରିବାକୁ ନିର୍ଦ୍ଦେଶ ଦେଇଛନ୍ତି ଯାହା ଫଳରେ ଅଧିକରୁ ଅଧିକ ଲୋକ ଏହି ଯୋଜନାର ଲାଭ ଉଠାଇପାରିବେ ।
माननीय मुख्यमंत्री श्री @NitishKumar जी ने 'बिहार लघु उद्यमी योजना' का शुभारंभ एवं पोर्टल का लोकार्पण किया।
इस योजना के तहत प्रदेश के 94 लाख से ज्यादा गरीब परिवारों को स्वरोजगार के लिए दो-दो लाख रुपये दिए जाएंगे।#RojgarMatlabNitishSarkar #laghuudyamiyojana#JDU #NitishKumar… pic.twitter.com/twi8iIUr5i
— Janata Dal (United) (@Jduonline) February 5, 2024
ଜାତି ଆଧାରରେ ଗଣନା ସମୟରେ ୯୪ ଲକ୍ଷରୁ ଅଧିକ ଗରିବ ପରିବାର ସାମ୍ନାକୁ ଆସିଛନ୍ତି । ବିହାର ଲଘୁ ଉଦ୍ୟମୀ ଯୋଜନା ଅନୁସାରେ ଏହି ଗରିବ ପରିବାରଙ୍କୁ ୨ ଲକ୍ଷ ଲେଖାଏଁ ରାଶି ପ୍ରଦାନ କରାଯିବ । ୩ କିସ୍ତିରେ ଏହି ରାଶି ହିତାଧିକାରୀଙ୍କୁ ପ୍ରଦାନ କରାଯିବ । ଏଥିପାଇଁ ୬୧ ଯୋଜନାକୁ ଚିହ୍ନଟ କରାଯାଇଛି ଯେଉଁଥିରେ ଛୋଟ ଛୋଟ ବ୍ୟବସାୟକୁ ସାମିଲ କରାଯାଇଛି ।
Comments are closed.