ମୁମ୍ବଇ: ଅଜୟ ଦେବଗନ୍ ଓ ସଞ୍ଜୟ ଦତ୍ତ ଅଭିନୀତ ବହୁପ୍ରତୀକ୍ଷିତ ବଲିଉଡ଼୍ ଚଳଚ୍ଚିତ୍ର ‘ଭୁଜ୍: ଦି ପ୍ରାଇଡ଼୍ ଅଫ୍ ଇଣ୍ଡିଆ’ର ଟ୍ରେଲର ସୋମବାର ରିଲିଜ୍ ହୋଇଛି। ୧୯୭୧ ଇଣ୍ଡୋ-ପାକ୍ ଯୁଦ୍ଧ ଉପରେ ଆଧାରିତ ଏହି ଚଳଚ୍ଚିିତ୍ର ଦର୍ଶକଙ୍କ ମନରେ ଦେଶଭକ୍ତି ଜାଗ୍ରତ କରାଇବାରେ ସକ୍ଷମ ହେବ ବୋଲି ଟ୍ରେଲରରୁ ସ୍ପଷ୍ଟ ବାରି ହୋଇପଡ଼ୁଛି। ୩ ମିନିଟ୍ ୨୧ ସେକେଣ୍ଡର ଟ୍ରେଲରରେ ଅଜୟଙ୍କ ପ୍ରଭାବଶାଳୀ ସଂଳାପ ସାଙ୍ଗକୁ ତାଙ୍କ ବଳିଷ୍ଠ ଅଭିନୟର ଝଲକ୍ ଦେଖିବାକୁ ମିଳିଛି। ଅଜୟ ଏଥିରେ ବାୟୁସେନା ଅଧିକାରୀ ବିଜୟ କର୍ଣ୍ଣିକ ଭୂମିକାରେ ଅଭିନୟ କରିଛନ୍ତି।
ଅଜୟଙ୍କ ବ୍ୟତୀତ ଫିଲ୍ମରେ ସଞ୍ଜୟ ଦତ୍ତ, ସୋନାକ୍ଷୀ ସିହ୍ନା, ଆମୀ ଭିର୍କ, ନୋରା ଫତେହି ଓ ଶରଦ କେଲକର ମଧ୍ୟ ଗୁରୁତ୍ୱପୂର୍ଣ୍ଣ ଭୂମିକାରେ ଅଭିନୟ କରିଛନ୍ତି। ଦେଶପ୍ରେମରେ ଭରପୂର ଏହି ଫିଲ୍ମ ଅଗଷ୍ଟ ୧୩ ତାରିଖରେ ଡିଜ୍ନୀ + ହଟଷ୍ଟାରରେ ମୁକ୍ତିଲାଭ କରିବ।
- Advertisement -
