ନୂଆଦିଲ୍ଲୀ: ଦରିୟାଗଞ୍ଜ ହିଂସା ମାମଲାରେ ଗିରଫ ହୋଇଥିବା ଭୀମ୍ ଆର୍ମି ମୁଖ୍ୟ ଚନ୍ଦ୍ରଶେଖର ଆଜାଦଙ୍କୁ ଦିଲ୍ଲୀର ଏକ କୋର୍ଟ ବୁଧବାର ଜାମିନ ପ୍ରଦାନ କରିଛନ୍ତି। ଏହା ସହିତ ଆସନ୍ତା ୧୬ ତାରିଖ ପର୍ଯ୍ୟନ୍ତ କୌଣସି ସ୍ଥାନରେ ବିକ୍ଷୋଭ କରିପାରିବେ ନାହିଁ ବୋଲି କୋର୍ଟ ନିର୍ଦେଶ ଦେଇଛନ୍ତି। ଶାହୀନ ବାଗରେ ଚାଲଥିବା ବିକ୍ଷୋଭ ସ୍ଥଳରେ ମଧ୍ୟ ସେ ସାମିଲ ହେବା ଉପରେ ବି କୋର୍ଟ କଟକଣା ଲଗାଇଛନ୍ତି।
ଏହା ପୂର୍ବରୁ ଦିଲ୍ଲୀରେ ଭୀମ୍ ଆର୍ମି ଷ୍ଟୁଡେଣ୍ଟ୍ସ ଫେଡେରେଶନର କାର୍ଯ୍ୟକର୍ତ୍ତାମାନେ ଚନ୍ଦ୍ରଶେଖରଙ୍କୁ ମୁକ୍ତ କରିବା ଦାବିରେ ରାସ୍ତାକୁ ଓହ୍ଲାଇବା ସହିତ ଧାରଣା ଦେଇଥିଲେ। ପୁଲିସ ତୁରନ୍ତ ଚନ୍ଦ୍ରଶେଖରଙ୍କୁ ମୁକ୍ତ କରିବାକୁ ଦାବି କରିଥିଲେ। ସୂଚନାଯୋଗ୍ୟ, ସିଏଏକୁ ନେଇ ବିକ୍ଷୋଭ ପ୍ରଦର୍ଶନ ସମୟରେ ପୁଲିସ ଜାମା ମସ୍ଜିଦଠାରୁ ଚନ୍ଦ୍ରଶେଖରଙ୍କୁ ଗିରଫ କରିଥିଲା। ସରକାରୀ କାର୍ଯ୍ୟରେ ବାଧା ସୃଷ୍ଟି କରିବା, ଲୋକଙ୍କୁ ଦଙ୍ଗା ପାଇଁ ଉସୁକାଇବା ସମେତ ବିଭିନ୍ନ ଦଫାରେ ପୁଲିସମାମଲା ରୁଜୁ କରିଥିଲା।
