ଭବାନୀପାଟଣା : ଦଶ ଦଫା ଦାବିରେ ଆଜି ବିଜୁ ଶ୍ରମିକ ସାମୁଖ୍ୟ ଅନୁବନ୍ଧିତ ଆଶାକର୍ମୀ ସଂଘ ସଦସ୍ୟ ମାନେ ଜିଲ୍ଲାପାଳଙ୍କ କାର୍ଯ୍ୟାଳୟ ଆଗରେ ବିକ୍ଷୋଭ ପ୍ରଦର୍ଶନ କରିଥିଲେ। ଆଶାକର୍ମୀଙ୍କୁ ସରକାରୀ କର୍ମଚାରୀ ମାନ୍ୟତା ସହିତ ସମାନ କାମକୁ ସମାନ ଦରମା, ମାସିକ ୧୮ ହଜାର, ଅବସର ବୟସ ସୀମା ୬୫କୁ ବୃଦ୍ଧି, ପ୍ରୋତ୍ସାହନ ରାଶି ଦ୍ଵିଗୁଣ କରିବା,ଦୁର୍ଘଟଣା ଜନିତ ମୃତ୍ୟୁରେ ୫ ଲକ୍ଷ ଟଙ୍କା ଅନୁକମ୍ପା ରାଶି ପ୍ରଦାନ ପ୍ରଭୃତି ୧୦ ଦଫା ଦାବିରେ ସେମାନେ ବିକ୍ଷୋଭ ପ୍ରଦର୍ଶନ କରିଥିଲେ। ବିଭିନ୍ନ ସମୟରେ ଏସବୁ ଦାବି ନେଇ ସେମାନେ ସିଡିଏମଓ , ଜାତୀୟ ସ୍ବାସ୍ଥ୍ୟ ମିଶନ ନିର୍ଦ୍ଦେଶକ, କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ପ୍ରମୁଖଙ୍କ ନିକଟରେ ବାରମ୍ବାର ଅଭିଯୋଗ ସତ୍ବେ କିଛି ପଦକ୍ଷେପ ନିଆଗଲା ନାହିଁ। ଏଣୁ ଆଜି ଏହି ମର୍ମରେ ପ୍ରଧାନମନ୍ତ୍ରୀଙ୍କ ଉଦ୍ଦେଶ୍ୟରେ ଜିଲ୍ଲାପାଳଙ୍କ ମାଧ୍ୟମରେ ସେମାନେ ଦାବି କରିଛନ୍ତି। ଜିଲ୍ଲାରେ ସ୍ବାସ୍ଥ୍ୟସେବା କ୍ଷେତ୍ରରେ ଆଶାକର୍ମୀଙ୍କ ଭୂମିକାକୁ କେନ୍ଦ୍ର ସରକାର ଭୁଲିଯିବା ଘଟଣାକୁ ସେମାନେ ପ୍ରତିବାଦ କହିଛନ୍ତି। ସଂଘର ରାଜ୍ୟ କାର୍ୟ୍ୟକାରୀ ସଭାନେତ୍ରୀ ପଙ୍କଜିନି ନାୟକ, ଜିଲା ସଭାନେତ୍ରୀ ଶାନ୍ତି ମାଝି, ସମ୍ପାଦିକା ରାସେଶ୍ୱରୀ ସେଠିଙ୍କ ନେତୃତ୍ୱରେ ବହୁସଂଖ୍ୟାରେ ଆଶାକର୍ମୀ ରେଲୱେ ଷ୍ଟେସନ ଛକରୁ ଏକ ଶୋଭାଯାତ୍ରାରେ ସହର ପରିକ୍ରମା କରି ଜିଲ୍ଲାପାଳଙ୍କ କାର୍ଯ୍ୟାଳୟକୁ ଆସିଥିଲେ।
Popular Categories
Previous article
Next article