ବ୍ରହ୍ମପୁର : ଏକ୍ସପ୍ରେସ ଟ୍ରେନରେ ଧୂଆଁ। ସିକନ୍ଦରାବାଦ୍-ଅଗରତାଲା ଏକ୍ସପ୍ରେସ ବି-୫ ବଗିରେ ଧୂଆଁ ଦେଖି ମଙ୍ଗଳବାର ଯାତ୍ରୀ ଭୟଭୀତ ହୋଇଛନ୍ତି। ବ୍ରହ୍ମପୁର ଷ୍ଟେସନରେ ଧୂଆଁ ବାହାରିବା ଦେଖି ଯାତ୍ରୀ ଭୟଭୀତ ହେବା ସହ ଗାଡିରୁ ଓହ୍ଲାଇଯାଇଥିବା ନେଇ ଖବର ମିଳିଛି। ଧୂଆଁକୁ ନିର୍ବାପିତ କରାଯାଇଥିଲେ ମଧ୍ୟ ଟ୍ରେନରେ ଯିବାକୁ ଯାତ୍ରୀ ଅମଙ୍ଗ ହେଉଛନ୍ତି ବୋଲି ସୂଚନା ମିଳିଛି। ନିକଟରେ ବଡ ଦୁର୍ଘଟଣା ଘଟିଥିବାରୁ ଯାତ୍ରୀ ଉକ୍ତ ବଗିରେ ଯିବାକୁ ଅମଙ୍ଗ ହେଉଛନ୍ତି। ଏହାପରେ ଯାତ୍ରୀଙ୍କୁ ବୁଝାସୁଝା କରି ଟ୍ରେନରେ ବସାଯିବା ସହ ଦୀର୍ଘ ୪୫ ମିନିଟ୍ ପରେ ଟ୍ରେନ୍ ଛାଡିଲା । ସର୍ଟ ସର୍କିଟରୁ ଧୂଆଁ ବାହାରିଥିବା ନେଇ ଓ ସାମାନ୍ୟ ବିଦ୍ୟୁତ ସମସ୍ୟା ଥିଲା। ତାହା ଠିକ୍ କରାଯାଇଛି ବୋଲି ପୂର୍ବତଟ ରେଲୱେ ପକ୍ଷରୁ ସୂଚନା ମିଳିଛି।
Comments are closed.