ବେଙ୍ଗାଲୁରୁ : ପ୍ରେମକୁ ନେଇ ଅନେକ ସମୟରେ ବୀଭତ୍ସ ହତ୍ୟାକାଣ୍ଡ ଘଟୁଥିବା ଅନେକ ଘଟଣା ନିକଟରେ ସାମ୍ନାକୁ ଆସିଛି । କର୍ଣ୍ଣାଟକର ବେଲଗାବୀ ଗାଁରେ ପ୍ରେମକୁ ନେଇ ଏଭଳି ଏକ ଘଟଣା ଘଟି ଯାଇଛି ଯାହା ହଇଚଇ ସୃଷ୍ଟି କରିଛି । ମଙ୍ଗଳବାର ଏକ ନିର୍ମମ ହତ୍ୟାକାଣ୍ଡ ଘଟଣା ସ୍ଥାନୀୟ ଅଞ୍ଚଳରେ ଭୟର ବାତାବରଣ ସୃଷ୍ଟି କରିଛି। ଜଣେ ପ୍ରେମୀ ଏଠାରେ ଏକ ଯୁବତୀଙ୍କ ଗଳା କାଟି ଅତି ନିର୍ମମ ଭାବେ ହତ୍ୟା କରିଛନ୍ତି। ଯୁବତୀ ଜଣକ ଉକ୍ତ ଯୁବକଙ୍କୁ ବିବାହ କରିବାକୁ ମନା କରି ଦେଇଥିଲେ । ଏହି କାରଣରୁ ଯୁବକ ଜଣକ ରାଗରେ ଏଭଳି କାଣ୍ଡ ଘଟାଇଥିଲେ। ଯୁବତୀଙ୍କୁ ମାରିବା ପରେ ନିଜେ ମଧ୍ୟ ଘଟଣାସ୍ଥଳରେ ଜୀବନ ହାରିଛନ୍ତି।
ଏହି ଘଟଣା ବେଲଗାବୀର । ଏଠାରେ ୨୦ ବର୍ଷୀୟ ଯୁବତୀ ଐଶ୍ୱର୍ଯ୍ୟା ମହେଶ ରହୁଥିଲେ । ନିକଟ ଗାଁରେ ହିଁ ୨୯ ବର୍ଷୀୟ ଯୁବକ ପ୍ରଶାନ୍ତ ରହୁଥିଲେ ଓ ଦେଢ ବର୍ଷରୁ ଅଧିକ ହେବ ସେ ଐଶ୍ୱର୍ଯ୍ୟାଙ୍କୁ ପ୍ରେମ କରୁଥିଲେ। ଐଶ୍ୱର୍ଯ୍ୟାଙ୍କ ଘର ଲୋକେ ଏହା ଜାଣିବା ପରେ ପ୍ରଶାନ୍ତଙ୍କୁ ଆର୍ଥିକ ଦୃଷ୍ଟିରୁ ଅଧିକ ମଜଭୁତ ହେବାକୁ କହିଥିଲେ। ମାତ୍ର ପ୍ରଶାନ୍ତ ବିଷ ବୋତଲ ଧରି ଐଶ୍ୱର୍ଯ୍ୟାଙ୍କ ନିକଟରେ ପହଞ୍ଚିଥିଲେ । ତାଙ୍କୁ ବିବାହ କରିବାକୁ ଜୋର୍ ଦେଇଥିଲେ । ଐଶ୍ୱର୍ଯ୍ୟ ମନା କରିବା ପରେ ଯୁବକ ଜଣକ ତାଙ୍କୁ ବିଷ ପିଇବାକୁ ବାଧ୍ୟ କରିଥିଲେ । ମାତ୍ର ସେ ଅରାଜି ହେବାରୁ ପକେଟ୍ରୁ ଛୁରୀ କାଢି ଐଶ୍ୱର୍ଯ୍ୟାଙ୍କ ଗଳା କାଟି ଦେଇଥିଲେ । କିଛି ସମୟରେ ପରେ ଐଶ୍ୱର୍ଯ୍ୟାଙ୍କ ମୃତ୍ୟୁ ହୋଇଥିବା ବେଳେ ପ୍ରଶାନ୍ତ ମଧ୍ୟ ସେହି ଛୁରୀରେ ନିଜ ଗଳା କାଟି ଜୀବନ ହାରିଥିଲେ । ଖବର ପାଇ ପୁଲିସ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇବା ସହ ଘଟଣାର ତଦନ୍ତ ଜାରି ରଖିଛି।
Pay Online
Comments are closed.