ବର୍ତ୍ତମାନ କରୋନା ଭାଇରସ୍ର ମୁକାବିଲା ନିମନ୍ତେ ପୂରା ବିଶ୍ବବାସୀ ଏକତ୍ରିତ ହୋଇ ଅଭିଯାନ ଚଳାଇଛନ୍ତି। ଏହି ସଂକ୍ରମଣକୁ ବୈଜ୍ଞାନିକମାନେ ୧୦୦ ବର୍ଷ ତଳେ ପୃଥିବୀରେ ବ୍ୟାପିଥିବା ସ୍ପେନିଶ୍ ଭାଇରସ୍ ସହ ତୁଳନା କରିଛନ୍ତି। ୧୯୧୮ରେ ସ୍ପେନିଶ୍ ଭାଇରସ୍ କାରଣରୁ ପ୍ରାୟ ୫କୋଟି ଲୋକ ପ୍ରାଣ ହରାଇଥିଲେ। ସେସମୟରେ ଲୋକଙ୍କୁ ସଚେତନ କରାଇବା ନିମନ୍ତେ ଖବରକାଗଜ ହିଁ ପ୍ରମୁଖ ଭୂମିକା ଗ୍ରହଣ କରିଥିଲା।
– ଲଣ୍ଡନର ଜନୈକ ଖବରକାଗଜର ସମ୍ପାଦକ ଯେତେବେଳେ କରୋନା ଭାଇରସ୍ ସମ୍ପର୍କିତ ତଥ୍ୟ ଓ ସଚେତନତା ଜାଣିଲେ, ଏସବୁ ସ୍ପେନିଶ୍ ଭାଇରସ୍ ସହ ମେଳ ଖାଉଥିବାର ସେ ଅନୁଭବ କଲେ। ତୁରନ୍ତ ସେ ପାଠାଗାରରୁ ୧୯୧୮ ସମୟର ସମସ୍ତ ଖବରକାଗଜ ଆଣି ତଥ୍ୟ ଯୋଗାଡ଼ କଲେ।
– ୧୯୧୮ରେ ଛପା ହୋଇଥିବା ଖବରକାଗଜରେ ଲୋକଙ୍କୁ ବିଭିନ୍ନ ଉପଦେଶମାନ ଦିଆଯାଇଛି। ବାରମ୍ବାର ହାତକୁ ସାବୁନରେ ଧୋଇବା ସହ ପରସ୍ପରଠାରୁ ଦୂରତ୍ବ ରଖିବା ଆବଶ୍ୟକ ଓ ଭିଡ଼ ସ୍ଥାନକୁ ନ ଯିବା ନିମନ୍ତେ ଉଲ୍ଲେଖ ହୋଇଛି। ସେସମୟରେ ମାସ୍କର ଏତେଟା ପ୍ରଚଳନ ଥିଲା, କିନ୍ତୁ ଲୋକଙ୍କୁ ଘରୋଇ ଉପାୟରେ ମାସ୍କ ତିଆରି କରି ପିନ୍ଧିବାକୁ ପରାମର୍ଶ ଦିଆଯାଇଛି।
– ୧୦୦ ବର୍ଷ ତଳର ସ୍ପେନିଶ୍ ଭାଇରସ୍ର ସ୍ଥିତିକୁ ବର୍ତ୍ତମାନର କରୋନା ଭାଇରସ୍ ଅନେକ ସାମଞ୍ଜସ୍ୟ ଥିବାର ଗବେଷକ ମୁଖ୍ୟ କେନ୍ କହିଛନ୍ତି। ଗବେଷକଙ୍କ ମତରେ ଇତିହାସ ନିଜକୁ ପୁନର୍ବାର ଦୋହରାଇଛି, ଏଥିରେ ଦ୍ବିମତ ନାହିଁ।
