ବିଟ୍ କୁ ପରିବା ଭାବରେ ଏବଂ ଷ୍ଟ୍ରବେରୀକୁ ଫଳ ଆକାରରେ ଲୋକେ ଖାଇବାକୁ ପସନ୍ଦ କରିଥାନ୍ତି। କେହି କେହି କେବଳ ବିଟ୍ ବା ଷ୍ଟ୍ରବେରୀ ଜୁସ୍ ପିଇଥାନ୍ତି। କିନ୍ତୁ ବିଟ୍ ଓ ଷ୍ଟ୍ରବେରୀ ଉଭୟକୁ ମିଶାଇ ସେଥିରେ ଜୁସ୍ ପ୍ରସ୍ତୁତ କରି କେବେ ପିଇଛନ୍ତି କି?
ଏହି ଜୁସ୍ ପ୍ରସ୍ତୁତ କରିବା ଯେତିକି ସହଜ, ତାହା ପାଟିକୁ ମଧ୍ୟ ସେତିକି ସୁଆଦିଆ। ଏହା ସହ ଶରୀର ପାଇଁ ମଧ୍ୟ ଫଳପ୍ରଦ। ଏହାକୁ ଆପଣ ବ୍ରେକ୍ଫାଷ୍ଟରେ ସେବନ କରି ପାରିବେ। ତେବେ ଆସନ୍ତୁ ଜାଣିବା ଏହାକୁ ଘରେ ପ୍ରସ୍ତୁତ କରିବାର ଉପାୟ…
ଆବଶ୍ୟକୀୟ ସାମଗ୍ରୀ: ଏକ କଟା ବିଟ୍, ଏକ କଟା ଷ୍ଟ୍ରବେରୀ, ଗୋଟିଏ କଦଳୀ, ଏକ କପ୍ କ୍ଷୀର, ଏକ ଚାମଚ ଅଳସୀ (ଫ୍ଲେକ୍ସ ସିଡ୍), ଅଧା ଚାମଚ ଡାଲଚିନି ପାଉଡର
ପ୍ରସ୍ତୁତ ପ୍ରଣାଳୀ: ସର୍ବ ପ୍ରଥମେ ବିଟ୍, ଷ୍ଟ୍ରବେରୀ ଓ କଳଦୀକୁ କାଟି ଦିଅନ୍ତୁ। ବର୍ତ୍ତମାନ ଗ୍ରାଇଣ୍ଡର ଜାରରେ ସବୁ ସାମଗ୍ରୀକୁ ନେଇ ପେଶି ଦିଅନ୍ତୁ। ପ୍ରସ୍ତୁତ ହୋଇଗଲା ବିଟ୍ ଷ୍ଟ୍ରବେରୀ ସ୍ମୁଦି ବା ଜୁସ୍ । ଏହାକୁ ଗ୍ଲାସରେ ନେଇ ସର୍ଭ କରନ୍ତୁ।
Comments are closed.