ବେଦାନ୍ତ ଓଡ଼ିଶାକୁ ବିଶ୍ବ ଶକ୍ତି କେନ୍ଦ୍ରରେ ପରିଣତ କରିଛି

ଭୁବନେଶ୍ବର : ଉତ୍କର୍ଷ ଓଡ଼ିଶା ଗ୍ଲୋବାଲ ଇନଭେଷ୍ଟମେଣ୍ଟ କନକ୍ଲେଭରେ ବେଦାନ୍ତ ଆଲୁମିନିୟମ ଓଡ଼ିଶାର ଶିଳ୍ପ ଅଭିବୃଦ୍ଧିକୁ ତ୍ବରାନ୍ଵିତ କରିବା ଉଦ୍ଦେଶ୍ୟରେ ୧ ଲକ୍ଷ କୋଟି ଟଙ୍କାର ନିବେଶ ଘୋଷଣା କରିଛି। ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଏବଂ ବେଦାନ୍ତ ଅଧ୍ଯକ୍ଷ ଅନିଲ ଅଗ୍ରୱାଲଙ୍କ ଉପସ୍ଥିତିରେ ସ୍ବାକ୍ଷରିତ ହୋଇଥିବା ଏହି ରାଜିନାମା ଝାରସୁଗୁଡ଼ାରେ ୩ ଏମଟିପିଏ ଆଲୁମିନିୟମ ପ୍ଲାଣ୍ଟ ଏବଂ ଏକ ଅତ୍ୟାଧୁନିକ ଆଲୁମିନିୟମ ପାର୍କର ବିକାଶକୁ ଚିହ୍ନିତ କରେ । ୨୫୩ ଏକର ଜମିରେ ପରିବ୍ୟାପ୍ତ ଏହି ପାର୍କ ୧୦୦ରୁ ଅଧିକ କ୍ଷୁଦ୍ର ଓ ମଧ୍ୟମ ଉଦ୍ୟୋଗ ଏବଂ ଏସ୍ଏସ୍ଏମ୍‌ଇ ଗୁଡ଼ିକୁ ଆକୃଷ୍ଟ କରିବ, ଯାହାଦ୍ବାରା ୨ ଲକ୍ଷ ନିଯୁକ୍ତି ସୁଯୋଗ ସୃଷ୍ଟି ହେବ ଏବଂ ଓଡ଼ିଶା ପାଇଁ ୪୫୦୦ କୋଟି ଟଙ୍କାର ଅତିରିକ୍ତ ମୂଲ୍ୟ ସୃଷ୍ଟି ହେବ। ଆଲୁମିନିୟମ ଉତ୍ପାଦନ କ୍ଷେତ୍ରରେ ଓଡ଼ିଶାକୁ ଏକ ବିଶ୍ୱସ୍ତରୀୟ ହଚ୍ ଭାବେ ପ୍ରତିଷ୍ଠିତ କରି ଏହି ପରିବର୍ତନଶୀଳ ପ୍ରକଳ୍ପ ଅଟୋମୋବାଇଲ, ଶକ୍ତି, ନିର୍ମାଣ ଏବଂ ଲଜିଷ୍ଟିକ୍ସ କ୍ଷେତ୍ରରେ ଆନୁଷଙ୍ଗିକ ଉଦ୍ୟୋଗଗୁଡ଼ିକୁ ମଧ୍ୟ ଶକ୍ତି ଯୋଗାଇବ ।

କମ୍ପାନୀ ଜୀବିକା, ଶିକ୍ଷା, ସ୍ବାସ୍ଥ୍ୟସେବା, ଭିତ୍ତିଭୂମି, ତୃଣମୂଳ କ୍ରୀଡ଼ା ଏବଂ ସାଂସ୍କୃତିକ ବିକାଶ ଭଳି ପ୍ରମୁଖ କ୍ଷେତ୍ର ଉପରେ ଧ୍ୟାନ ଦେଇଥାଏ । ଗ୍ରାମୀଣ ବିକାଶରେ ଏହାର କାର୍ଯ୍ୟର ଏକ ଆଧାର ହେଉଛି ୫୩୧ ଟି ନନ୍ଦ ଘର ପ୍ରତିଷ୍ଠା-ମହିଳା ଏବଂ ପିଲାମାନଙ୍କ କଲ୍ୟାଣ ପାଇଁ ଉତ୍ସର୍ଗୀକୃତ ଆଧୁନିକ ଅଙ୍ଗନୱାଡି କେନ୍ଦ୍ର । ସ୍ବାସ୍ଥ୍ୟସେବା କ୍ଷେତ୍ରରେ, ଲାଞ୍ଜିଗଡ଼ର ବେଦାନ୍ତ ଡାକ୍ତରଖାନା ବାର୍ଷିକ ୬୭,୦୦୦ରୁ ଅଧିକ ଲୋକଙ୍କୁ ମାଗଣା ଚିକିତ୍ସା ସେବା ପ୍ରଦାନ କରିଥାଏ। ବେଦାନ୍ତ ଗ୍ରୁପ୍ ଅଧ୍ୟକ୍ଷ ଅନୀଲ ଅଗ୍ରୱାଲଙ୍କ ଦ୍ବାରା ପରିକଳ୍ପିତ ଏବଂ ପରିଚାଳିତ, ‘ପ୍ରୋଜେକ୍ଟ ପଞ୍ଜି’ ଯୁବତୀମାନଙ୍କୁ ଉଚ୍ଚ ଶିକ୍ଷା ପାଇଁ ଆର୍ଥିକ ସହାୟତା ପ୍ରଦାନ କରେ । ‘ପ୍ରକଳ୍ପ ପଞ୍ଜି’ ଜରିଆରେ ବେଦାନ୍ତ ପାରମ୍ପରିକ ଭାବେ ପୁରୁଷ ପ୍ରାଧାନ୍ୟ ବିଶିଷ୍ଟ ଧାତୁ ଏବଂ ଖଣି କ୍ଷେତ୍ରରେ ଲିଙ୍ଗଗତ ଅବଧାରଣାକୁ କେବଳ ଦୂର କରୁନାହିଁ, ବରଂ ୨୦୩୦ ଆର୍ଥିକ ବର୍ଷ ସୁଦ୍ଧା ୩୦ ପ୍ରତିଶତ ମହିଳାମାନଙ୍କୁ ଏହାର କାର୍ଯ୍ୟବଳରେ ସାମିଲ କରିବା ପାଇଁ ଲକ୍ଷ୍ୟ ରଖିଛି ।