www.samajalive.in
Saturday, December 6, 2025
26.1 C
Bhubaneswar

ଶାନ୍ତିସ୍ତୁପ ଧଉଳିରେ ଧର୍ମଚକ୍ର ପରିବର୍ତ୍ତନ ଦିବସ ପାଳିତ

ଭୁବନେଶ୍ୱର : ପବିତ୍ର ଦଶହରା ଉତ୍ସବ ଓ ବିଜୟା ଦଶମୀ ଅବରରେ ଧଉଳିଠାରେ ଭାରତୀୟ ବୌଦ୍ଧ ମହାସଭା, ୟୁନିଭର୍ସାଲ ବୁଦ୍ଧ ଫାଉଣ୍ଡେସନ୍, ମହାବୋଧି ସୋସାଇଟି ଅଫ୍ ଇଣ୍ଡିଆ, ବୁଦ୍ଧ କ୍ଲବ୍ ଓ କଳିଙ୍ଗ ବୌଦ୍ଧ ସଂଘ ପକ୍ଷରୁ କରୋନାର ସମସ୍ତ ନିୟମ ପାଳନ ସହକାରେ ଧଉଳି ପାହାଡ଼ଠାରେ ମିଳିତ ଭାବେ ଧର୍ମଚକ୍ର ପରିବର୍ତ୍ତନ ଦିବସ ପାଳିତ ହୋଇଯାଇଛି।

ଖ୍ରୀ.ପୂ. ୨୬୧ ମସିହା ଦଶମୀ ତିଥିରେ ଧଉଳି ପାହାଡ଼ଠାରେ ସମ୍ରାଟ ଅଶୋକ ଦୁର୍ଜ୍ଜୟ କଳିଙ୍ଗ ବିଜୟ କରି ଯୁଦ୍ଧରେ ପୁତ୍ରହରା ଏକ ବୃଦ୍ଧାର ମର୍ମସ୍ପର୍ଶୀ ବାଣୀରେ ପ୍ରଭାବିତ ହୋଇ ବୌଦ୍ଧଭିକ୍ଷୁ ଉପଗୁପ୍ତଙ୍କଠାରୁ ବୌଦ୍ଧଧର୍ମରେ ଦୀକ୍ଷିତ ହୋଇ ଧର୍ମର ବିଜୟ ହାସଲ କରିଥିଲେ ଓ କଳିଙ୍ଗ ରାଜକନ୍ୟା କାରୁବାକୀଙ୍କୁ ବିବାହ କରିଥିଲେ। ଏହି ଦିନଠାରୁ ସେ ସତ୍ୟ, ନ୍ୟାୟ, ସେବା ଓ ଅହିଂସା ଧର୍ମର ପ୍ରଚାର ପ୍ରସାର ଦେଶ ବିଦେଶରେ କରାଇଥିଲେ ଓ ଦିନଟିକୁ ବିଜୟ ଦଶମୀ ନାମରେ ପାଳନ କରୁଥିଲେ। ପରବର୍ତ୍ତୀ ସମୟରେ ସେହି ମୌର୍ଯ୍ୟବଂଶର ରାଜା ବୃହଦତ୍ତ ମୌର୍ଯ୍ୟଙ୍କୁ ମନୁବାଦୀ ସେନାପତି ପୁଷ୍ପମିତ୍ର ଶୃଙ୍ଗ ହତ୍ୟାକରି ବୈଦିକ ଧର୍ମର ପ୍ରତିଷ୍ଠା କରିଥିଲେ ଓ ଦିନଟିକୁ ବିଜୟା ଦଶମୀ ବା ଦୁର୍ଗାପୂଜାରେ ପରିଣତ କରିଥିଲେ। ବୋଧିସତ୍ତ୍ୱ ବାବାସାହେବ ଆମ୍ବେଦକର ଏହି ଦିବସରେ ୧୯୫୬ ମସିହା ଦଶହରା ତିଥି ଅକ୍ଟୋବର ୧୪ ତାରିଖ ଦିନ ନିଜର ୫ ଲକ୍ଷ ବୁଦ୍ଧିଜୀବୀ ଓ ସାଧାରଣ ଅନୁଗାମୀମାନଙ୍କୁ ନେଇ ନାଗପୁରର ଦୀକ୍ଷାଭୂମିଠାରେ ବୌଦ୍ଧ ଧର୍ମ ଗ୍ରହଣ କରିଥିଲେ।

- Advertisement -

 

ପ୍ରତିବର୍ଷ ଦୀକ୍ଷାଭୂମିଠାରେ ଏହି ଦିନ ଲକ୍ଷ ଲକ୍ଷ ବୌଦ୍ଧପ୍ରେମୀମାନେ ଏକତ୍ରିତ ହୋଇ ଧର୍ମଚକ୍ର ପରିବର୍ତ୍ତନ ଦିବସଟିକୁ ପାଳନ କରିଥାନ୍ତି। ଦଶହରା ବିଜୟା ଦଶମୀ କିମ୍ବା ଅକ୍ଟୋବର ୧୪ ତାରିଖକୁ ପ୍ରତିବର୍ଷ ଭାରତର ବିଭିନ୍ନ ପ୍ରାନ୍ତରେ ଓ ବିଶ୍ୱର ଅଧିବାସୀମାନେ ଧର୍ମଚକ୍ର ପରିବର୍ତ୍ତନ ଦିବସ ରୂପେ ପାଳନ କରିଆସୁଛନ୍ତି ବୋଲି ୟୁନିଭର୍ସାଲ ବୁଦ୍ଧ ଫାଉଣ୍ଡେସନ୍ ସଭାପତି ପ୍ରଦୀପ ମଲ୍ଲିକ ଓ ଭାରତୀୟ ବୌଦ୍ଧ ମହାସଭା ସାଧାରଣ ସମ୍ପାଦକ ଲକ୍ଷ୍ମଣ ମଲ୍ଲିକ ସୂଚନା ଦେଇଛନ୍ତି।

Hot this week

ମନଇଚ୍ଛା ବିମାନ ଟିକେଟ ବୃଦ୍ଧି ଉପରେ ବ୍ରେକ ଲଗାଇଲେ ସରକାର

ସମାଜଲାଇଭ ଡେସ୍କ: ଇଣ୍ଡିଗୋ ବିମାନ ସଙ୍କଟ ଯୋଗୁ ଅନେକ କମ୍ପାନୀ ହଠାତ୍‌...

ଭାରତକୁ ୨୭୧ ରନର ଟାର୍ଗେଟ ଦେଲା ଦକ୍ଷିଣଆଫ୍ରିକା

ସମାଜଲାଇଭ ଡେସ୍କ: ଅନ୍ତିମ ଦିନିକିଆରେ ଭାରତକୁ ୨୭୧ ରନର ଟାର୍ଗେଟ ଦେଇଛି...

ବିଜେପିରେ ମିଶିଲେ ପ୍ରଫୁଲ୍ଲ ସାମଲଙ୍କ ଦୁଇ ପୁଅ

ଭୁବନେଶ୍ଵର: ବିଜେଡିକୁ ଶକ୍ତ ଝଟ୍‌କା ଲାଗିଛି। ପୂର୍ବତନ ମନ୍ତ୍ରୀ ତଥା ବିଜେଡି...

ଛାତ୍ରୀଙ୍କ ଆତ୍ମାହୁତି ଉଦ୍ୟମ ଘଟଣା: ଜଣେ ଅଟକ

ସୁନ୍ଦରଗଡ : ନିଜ ଦେହରେ ନିଜେ ନିଆଁ ଲଗାଇଲେ ଛାତ୍ରୀ। ସୁନ୍ଦରଗଡ...

ଯାତ୍ରୀଙ୍କୁ ଟଙ୍କା ଫେରାଇବ ଇଣ୍ଡିଗୋ

ସମାଜଲାଇଭ ଡେସ୍କ: ସମସ୍ତ ଯାତ୍ରୀଙ୍କୁ ଟିକେଟ ବାବଦ ଟଙ୍କା ଫେରସ୍ତ କରିବ...

Related Articles

Popular Categories