ବାଉଁଶୁଣି: ବୌଦ୍ଧ ଜିଲା ବାଉଁଶୁଣୀ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରର ଡାକ୍ତର ବିଶ୍ବନାଥ ଶତପଥୀଙ୍କ ଡେପୁଟେସନ୍ ଆଦେଶ ବାତିଲ ଦାବିରେ ବୁଧବାର ସ୍ଥାନୀୟ ଅଞ୍ଚଳବାସୀ ଜିଲାପାଳଙ୍କୁ ଦାବିପତ୍ର ପ୍ରଦାନ କରିଛନ୍ତି। ଡାକ୍ତର ଶତପଥୀ ଜଣେ ଉତ୍ତମ ବ୍ୟବହାରସମ୍ପନ୍ନ ଦକ୍ଷ ଡାକ୍ତର ହୋଇଥିବା ବେଳେ ସେ ୨୦୧୯ରୁ ବାଉଁଶୁଣୀ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ନିଯୁକ୍ତି ପାଇଛନ୍ତି। ମାତ୍ର ବିଭିନ୍ନ ସମୟରେ କେବଳ ୬ ମାସ ବାଉଁଶୁଣୀଠାରେ କାର୍ଯ୍ୟ କରିଥିବା ବେଳେ ତାଙ୍କୁ ଉଦ୍ଦେଶ୍ୟମୂଳକ ଭାବେ ଡେପୁଟେସନରେ ଅନ୍ୟ ସ୍ଥାନକୁ ପଠାଇ ଦିଆଯାଇଥବା ଅଭିଯୋଗ କରିଛନ୍ତି। ତେଣୁ ଡାକ୍ତର ଶତପଥୀଙ୍କୁ ହିଁ ଅବସ୍ଥାପିତ କରାଯିବାକୁ ଅଞ୍ଚଳବାସୀ ଜିଲାପାଳଙ୍କ ନିକଟରେ ଦାବିପତ୍ର ପ୍ରଦାନ କରିଛନ୍ତି। ସେହିପରି ଦୀର୍ଘ ୭ ବର୍ଷରୁ ଅଧିକ ସମୟ ଧରି ବାଉଁଶୁଣୀ ଡାକ୍ତରଖାନାରେ ଥିବା ମେଡିକାଲ ଅଧୀକ୍ଷକ ଅନ୍ତର୍ଯ୍ୟାମୀ ବେହେରାଙ୍କୁ ତୁରନ୍ତ ବଦଳି ପାଇଁଁ ଅଞ୍ଚଳବାସୀ ଦାବୀ କରିଛନ୍ତି।
Comments are closed.