ବରଗଡ଼: ଘର ଭିତରେ ଗୋଟିଏ ପରିବାର ୪ଜଣଙ୍କ ମୃତଦେହ ଉଦ୍ଧାର କରାଯାଇଛି। ଭେଡେନ ବ୍ଲକ ଜାମଡୋଲ ଗାଁରେ ଏକ ଘର ଭିତରେ ୪ ମୃତଦେହ ପୁଲିିସ ଉଦ୍ଧାର କରିଛି। କେଉଁ କାରଣରୁ ପରିବାର ୪ଜଣ ସଦସ୍ୟଙ୍କ ମୃତ୍ୟୁ ଘଟିଛି ତାହା ଜଣାପଡ଼ିନି। ଦୁଇ ଦିନ ପୂର୍ବରୁ ମୃତ୍ୟୁବରଣ କରିଥିବା ପୁଲିସ ସନ୍ଦେହ କରୁଛି।
ପୁଲିସ କହିବା ଅନୁଯାୟୀ ସ୍ବାମୀ, ପତ୍ନୀ, ଝିଅ ଓ ପୁଅଙ୍କୁ ମିଶାଇ ପରିବାରରେ ୪ଜଣ ହିଁ ରହୁଥିଲେ। ତଦନ୍ତ ପରେ ହିଁ ଜଣାପଡ଼ିବ ହତ୍ୟା ହୋଇଛି ନା ଆତ୍ମହତ୍ୟା ହୋଇଛି। ତେବେ ପାରିପାର୍ଶିକ ଅବସ୍ଥା ଅନୁଯାୟୀ ମୃତକଙ୍କ ପରିବାରଙ୍କ କବାଟ ବନ୍ଦ ରହିଥିଲା। ଦୁଇଦିନ ପର୍ଯ୍ୟନ୍ତ ଘରୁ କେହି ନ ବାହାରିବାରୁ ସ୍ଥାନୀୟ ଲୋକେ ସନ୍ଦେହ କରିଥିଲେ। ପରବର୍ତ୍ତି ସମୟରେ ଘରୁ ଦୁର୍ଗନ୍ଧ ବାହାରିବାରୁ ସେମାନେ ପୁଲିସକୁ ଖବର ଦେଇଥିଲେ। ପୁଲିସ କବାଟ ଭାଙ୍ଗି ଘର ଭିତରକୁ ପ୍ରବେଶ କରିଥିଲା ଏବଂ ଘରର ଚାରିଆଡ଼େ ମୃତଦେହ ବିଛାଡ଼ି ହୋଇପଡ଼ିଥିବା ଦେଖିବାକୁ ପାଇଥିଲା। ମାଜିଷ୍ଟ୍ରେଟଙ୍କ ଉପସ୍ଥିତିରେ ସେହି ଘରକୁ ସିଲ କରାଯାଇଛି ଏବଂ ଆସନ୍ତାକାଲି ସେହି ଘରୁ ମୃତଦେହ ଉଦ୍ଧାର କରାଯିବ ବୋଲି ଜଣାପଡ଼ିଛି।
Comments are closed.