ଆଜିଠୁ ବାରବାଟୀ ଟି-୨୦ ପାଇଁ କାଉଣ୍ଟରରେ ଟିକେଟ୍ ବିକ୍ରି; ରାତିରୁ ଲାଗିଛି ଲମ୍ବା ଲାଇନ୍
କଟକ: ଆଜିଠୁ ବାରବାଟୀ ଟି-୨୦ ପାଇଁ କାଉଣ୍ଟରରେ ବିକ୍ରି ହେବ ଟିକେଟ୍ । ଦର୍ଶମାନେ ଟିକେଟ୍ କାଉଣ୍ଟରୁ ଟିକେଟ୍ ନେଇ ହେବାକୁ ଥିବା ଟି-୨୦ର ମଜା ନେଇପାରିବେ । ଏଥି ପାଇଁ ମୋଟ୍ ୯ଟି କାଉଣ୍ଟରରେ ସକାଳ ୯ଟାରୁ ଟିକେଟ୍ ବିକ୍ରି କରିବାକୁ ବ୍ୟବସ୍ଥା କରାଯାଇଛି । ଦର୍ଶକ ମାନେ ଧାଡ଼ିରେ ରହି ଟିକେଟ୍ ସଂଗ୍ରହ କରିପାରିବେ । ହେଲେ ଟିକେଟ୍ କିଣିବା ପୂର୍ବରୁ ଟିକେଟ୍ କାଉଣ୍ଟର ଆଗରେ ଦର୍ଶକଙ୍କ ଲମ୍ବା ଲାଇନ୍ ଦେଖିବାକୁ ମିଳିଛି । ଗତକାଲି ରାତିରୁ ବାରବାଟୀରେ ଦର୍ଶକ ମାନେ ଲମ୍ବା ଧାଡ଼ି ଲାଗଇଥିବା ବେଳେ କର୍ତ୍ତୃପକ୍ଷଙ୍କ ପକ୍ଷରୁ ମଧ୍ୟ ଟିକେଟ୍ କିଣିବାକୁ ସ୍ୱତନ୍ତ୍ର ବ୍ୟବସ୍ଥା କରାଯାଇଛି । ଟିକେଟ୍ କାଉଣ୍ଟରରେ ମହିଳାଙ୍କ ପାଇଁ ଦୁଇଟି ସ୍ୱତନ୍ତ୍ର କାଉଣ୍ଟର କରାଯାଇଛି । ମୋଟ୍ ୧୨ହଜାର ୯୩ଟି ଟିକେଟ୍ ଦର୍ଶକଙ୍କ ପାଇଁ ଉପଲବ୍ଧ ହେବ ବୋଲି ସୂଚନା ରହିଛି ।
Comments are closed.