ଚୌଦ୍ୱାର: ଚୌଦ୍ୱାର ଥାନା ଅଧିନ ବାଣୀପଦା ଗ୍ରାମରେ ଗଣ୍ଡଗୋଳ ଘଟଣାରେ ପୁଲିସ୍ ୪ଜଣଙ୍କୁ ଗିରଫ କରି ଅଦାଲତ ଚାଲାଣ କରିଛି । ଗିରଫ ଅଭିଯୁକ୍ତ ମାନେ ହେଲେ ବାଣୀପଦା ମଲ୍ଲିକ ସାହିତ ଜିତୁ ମଲ୍ଲିକ(୨୪), ତ୍ରିନାଥ ସେଠୀ(୨୩), ରାଜେଶ ମଲ୍ଲିକ(୨୦) ଓ ସରୋଜ ସେଠୀ(୨୩) । ସୂଚନାଯୋଗ୍ୟଯେ ବାଣୀପଦା ଗ୍ରାମରେ ଅପେରା ଚାଲିଥିବାବେଳେ ଗତ ୧ତାରିଖ ବିଳମ୍ବିତ ରାତିରେ ସାଇକେଲ ଷ୍ଟାଣ୍ଡକୁ ନେଇ ମଲ୍ଲିକ ସାହି ଓ ହନୁମାନ ସାହିର ଯୁବକ ମାନଙ୍କ ମଧ୍ୟରେ ଗଣ୍ଡଗୋଳ ଘଟିଥିଲା।ଏଥିରେ ହନୁମାନ ସାହିର ତାପସ ସଂପୃକ୍ତ ଥିବାରୁ ମଲ୍ଲିକ ସାହିର ଯୁବକ ମାନେ ତାପସ ଘର ଉପରକୁ ଢ଼େଲା ପଥର ଓ ବୋତଲ ମାଡ଼ କରିବା ସହିତ ତାର ସାନ ଭାଇକୁ ମାଡ଼ମାରି ଆହତ କରିଥିଲେ। ଘଟଣା ବଢ଼ିବାର ଆଶଂକା କରି ତାପସ ସେହିଦିନ ଜଗତପୁରସ୍ଥିତ ତା ମାମୁଁ ଘରକୁ ଚାଲିଯାଇ ସେହି ଦିନ ଚୌଦ୍ୱାର ଫେରିଥିଲେ ହେଁ ଆଉ ଗ୍ରାମକୁ ଫେରି ନଥିଲା। ପରଦିନ ସକାଳେ ତାର ଖଣ୍ଡ ବିଖଣ୍ଡିତ ଶବ ମଙ୍ଗୁଳି ଷ୍ଟେଶନ୍ ନିକଟ ରେଳ ଧାରଣା ଉପରେ ପଡ଼ିଥିବା ଦେଖିବାକୁ ମିଳିଥିଲା। ଏନେଇ ତାପସକୁ ହତ୍ୟା କରାଯାଇଥିବା ତା’ ପରିବାର ପକ୍ଷରୁ ଥନାରେ ଅଭିଯୋଗ କରାଯାଇଥିଲା। ପୁଲିସ ଘଟଣାର ତଦନ୍ତ ଜାରୀ ରଖିଛି।
Comments are closed.