ନୂଆଦିଲ୍ଲୀ: ଆସାମରେ ବାଂଲାଦେଶୀ ଅନୁପ୍ରବେଶକାରୀଙ୍କ ଚିହ୍ନଟ ପ୍ରକ୍ରିୟାକୁ ନେଇ ରାଜନୈତିକ ବୟାନବାଜି ଆରମ୍ଭ ହୋଇ ଯାଇଛି। ସେନା ପ୍ରମୁଖ ବିପିନ ରାୱତ୍ ଏ ସମ୍ପର୍କରେ ଦେଇଥିବା ମନ୍ତବ୍ୟକୁ ଘୋର ବିରୋଧ କରିଛି ଅଲ ଇଣ୍ଡିଆ ୟୁନାଇଟେଡ଼ ଡେମୋକ୍ରେଟିକ ଫ୍ରଣ୍ଟ(ଏଆଇୟୁଡିଏଫ)। ଏଆଇୟୁଡିଏଫର ମୁଖ୍ୟ ବଦରୁଦ୍ଦିନ ଅଜମଲ ସେନା ପ୍ରମୁଖଙ୍କ ମନ୍ତବ୍ୟକୁ ଏକ ରାଜନୈତିକ ଉଦ୍ଦେଶ୍ୟମୂଳକ ବୋଲି ମତ ଦେଇଛନ୍ତି। ବଡ଼ ରାଜନୈତିକ ଦଳର କୁଶାସନ ହେତୁ ଏଆଇୟୁଡିଏଫ ପରି ଦଳର ଶକ୍ତିବୃଦ୍ଧି ହେଉଛି ଏଥିରେ ସେନା ପ୍ରମୁଖ ଚିନ୍ତିତ ହେବାର କାରଣ କ’ଣ ବୋଲି ଶ୍ରୀ ଅଜମଲ ପାଲଟା ଟ୍ୱିଟ୍ କରିଛନ୍ତି। ଅପରପକ୍ଷରେ ବଡ଼ ରାଜନୈତିକ ଦଳର କୁଶାସନ ମନ୍ତବ୍ୟକୁ କଂଗ୍ରେସ ଓ ଏନସିପି ପରି ଦଳ ବିରୋଧ କରିଛନ୍ତି।
ସେନା ପ୍ରମୁଖ ଆସାମରେ ବାଂଲାଦେଶୀ ଅନୁପ୍ରବେଶକାରୀଙ୍କ ସଂଖ୍ୟା ବୃଦ୍ଧି ସମ୍ପର୍କରେ ସୂଚନା ଦେଇ ଦେଶରେ ଯେଉଁ ଅନୁପାତରେ ବିଜେପିର ଶକ୍ତି ବୃଦ୍ଧି ପାଉଛି ତା’ଠାରୁ ଅଧିକ ବେଗରେ ଶ୍ରୀ ଅଜମଲଙ୍କ ଦଳ ଶକ୍ତିଶାଳୀ ହେବାରେ ଲାଗିଛି। ବାଂଲାଦେଶୀ କେବଳ ଅନୁପ୍ରବେଶ ପାଇଁ ନୁହେଁ ବରଂ ଏଠାକାର ଜମି ଉପରେ କବଜା କରିବାକୁ ଏଭଳି ପଦକ୍ଷେପ ନିଆଯାଉଛି ବୋଲି ସେନା ପ୍ରମୁଖ ମନ୍ତବ୍ୟ ଦେଇଥିଲେ। ସେହିପରି ସେନା ପ୍ରମୁଖ ଦେଶର ପଶ୍ଚିମ ପଡ଼ୋଶୀ (ଚୀନ) ଓ ଉ୍ତ୍ତର ପଡ଼ୋଶୀ (ପାକିସ୍ତାନ)ର ଘନିଷ୍ଠତା ଦେଶରେ ଏଭଳି ସମସ୍ୟାକୁ ପ୍ରୋତ୍ସାହିତ କରୁଛି ବୋଲି ଅଭିଯୋଗ କରିଛନ୍ତି।
ବାଂଲାଦେଶୀ ଅନୁପ୍ରବେଶକାରୀଙ୍କୁ ନେଇ ବୟାନବାଜି
Popular Categories
Previous article
Next article