ଗୁରୁଡିଝାଟିଆ : ବାଳି ସ୍ଥିତ ଶ୍ରୀ ଶ୍ରୀ ଧବଳେଶ୍ୱର ବିଜ୍ଞାନ ଓ ବୈଷୟିକ ମହାବିଦ୍ୟାଳୟ ରାଜନୀତି ବିଜ୍ଞାନ ବିଭାଗର ନବାଗତ ବିଦ୍ୟାର୍ଥୀଙ୍କୁ ସ୍ୱାଗତ ଓ ଶେଷବର୍ଷର ବିଦ୍ୟାର୍ଥୀଙ୍କୁ ବିଦାୟ ସମ୍ବର୍ଦ୍ଧନା କାର୍ଯ୍ୟକ୍ରମ ଅନୁଷ୍ଠିତ ହୋଇଛି । ମହାବିଦ୍ୟାଳୟର ଅଧ୍ୟକ୍ଷ ସୁରେଶ ଚନ୍ଦ୍ର ରାଉତରାୟ ମୁଖ୍ୟ ଅତିଥି ଭାବରେ ଯୋଗଦେଇ ନୂତନ ବିଦ୍ୟାର୍ଥୀ ଅନୁଷ୍ଠାନ ପାଇଁ ଯଶ ଓ ଗୌରବ ଆଣି ଏକ ନୂତନ ସୋପାନରେ ମହାବିଦ୍ୟାଳୟକୁ ପହଞ୍ଚାଇବେ ବୋଲି ଆଶାବ୍ୟକ୍ତ କରିବା ସହ ବିଦାୟୀ ବିଦ୍ୟାର୍ଥୀଙ୍କ ଉଜ୍ୱଳ ଭବିଷ୍ୟତ କାମନା କରିଥିଲେ। ଜଗତପୁର ଲକ୍ଷ୍ମୀ ନାରାୟଣ ମହାବିଦ୍ୟାଳୟ ରାଜନୀତି ବିଜ୍ଞାନ ବିଭାଗ ମୁଖ୍ୟ ଅବିନାଶ ନାୟକ ସ୍ୱତନ୍ତ୍ର ଆଲୋଚକ ଭାବରେ ଯୋଗଦେଇ ସାଂପ୍ରତିକ ସମୟରେ ଗାନ୍ଦୀବାଦର ପ୍ରାସଙ୍ଗିକତା ସଂପର୍କରେ ଆଲୋକପାତ କରିଥିଲେ। ଏହି ଅବସରରେ ୨୦୨୧-୨୨ର ବିଭାଗ ପକ୍ଷରୁ ସର୍ବାଧିକ ନମ୍ବର ରଖିଥିବା ବିଦ୍ୟାର୍ଥୀଙ୍କୁ ସମ୍ବର୍ଦ୍ଧିତ କରାଯିବା ସହ ଶ୍ରେଷ୍ଠ ସ୍ନାତକ ଭାବରେ ଶୁଭଦ୍ରା ପାଢୀଙ୍କୁ ସମ୍ମାନୀତ କରାଯାଇଥିଲା। ବିଭାଗୀୟ ବିଦ୍ୟାର୍ଥୀମାନେ ସନ୍ଦର୍ଭ ପାଠ କରିଥିଲେ। ବିଭାଗୀୟ ଅଧ୍ୟାପକ ଦୀପକ କୁମାର ସ୍ୱାଇଁ ସ୍ୱାଗତ ଭାଷଣ ଓ ଅତିଥି ପରିଚୟ ପ୍ରଦାନ କରିଥିଲେ। ବିଭାଗୀୟ ମୁଖ୍ୟ ରଶ୍ମୀରଞ୍ଜନ ଦାସଙ୍କ ପ୍ରତ୍ୟେକ୍ଷ ତତ୍ୱାବଧାନରେ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା।
Popular Categories
Previous article
Next article