ବାଲେଶ୍ଵର: ସାପ-ନେଉଳ ଲଢେଇ। ଏକ ବିରାଟକାୟ ଅହିରାଜ ସାପ ସହ ଏକ ନେଉଳର ଘମାଘୋଟ ଲଢେଇ ଚାଲିଥିବାର ଦୃଶ୍ୟ ଦେଖିବାକୁ ମିଳିଛି ବାଲେଶ୍ଵର ଜିଲା ନୀଳଗିରି ଅଞ୍ଚଳରେ ଥିବା ପ୍ରସିଦ୍ଧ ଶୈବପୀଠ ପଞ୍ଚଲିଙ୍ଗେଶ୍ବରରେ। ଏକ ଛୋଟ ନେଉଳ ବିରାଟକାୟ ଅହିରାଜ ସାପ ସହ ଲଢେଇ କରି ତାକୁ ଘାଇଲା କରି ପକାଇଛି। ସାପଟି ଜୀବନ ବଞ୍ଚାଇବା ପାଇଁ ଗଛ ଉପରକୁ ଯାଉଥିବା ବେଳେ ନେଉଳଟି ଲାଙ୍ଗୁଡକୁ କାମୁଡି ତଳକୁ ପକାଇ ଦେଉଥିବା ଚିତ୍ର ଏହି ଭିଡିଓରେ ଦେଖିବାକୁ ମିଳିଛି। ଫଳରେ ସାପଟି ଗୁରୁତର ହୋଇପଡିଥିବା ଜଣାପଡ଼ିଛି ।
ସୂଚନା ଅନୁଯାୟୀ, ସେହି ଅଞ୍ଚଳର ଟୁରିଷ୍ଟ ଗାଇଡ଼ ମନୋରଞ୍ଜନ ଦାସ ଖବର ପାଇ ଅହିରାଜ ସାପଟିକୁ ଉଦ୍ଧାର କରି କୂଳଡିହା ବନବିଭାଗକୁ ହସ୍ତାନ୍ତର କରିଥିଲେ। ସାପଟିକୁ ନୀଳଗିରି ପ୍ରାଣୀ ଚିକିତ୍ସା କେନ୍ଦ୍ରକୁ ଆଣି ଚିକିତ୍ସା କରାଯାଇଥିବା ବେଳେ ସୁସ୍ଥ ହେଲେ କୂଳଡିହା ଅଭୟାରଣ୍ୟରେ ଛଡାଯିବ ବୋଲି ସୂଚନା ମିଳିଛି ।
