ଘଣ୍ଟେଶ୍ୱର ଶ୍ରୀରାମ ମହାଯଜ୍ଞ ସମିତି ପକ୍ଷରୁ ମାତୃଭୂମି ପାଇଁ ଗଣଦୌଡ଼

ଧାମରା: ଘଣ୍ଟେଶ୍ୱର ଶ୍ରୀରାମ ମହାଯଜ୍ଞ ସମିତି ପକ୍ଷରୁ ଶ୍ରୀରାମ ନବମୀ ମହୋତ୍ସବ ପୂର୍ବରୁ ନିର୍ଦ୍ଧାରିତ କାର୍ଯ୍ୟସୂଚୀ ଅନୁଯାୟୀ ସୋମବାର ମାତୃଭୂମି ପାଇଁ ଗଣଦୌଡ଼ କରାଯାଇଛି। ସକାଳ ୭ଟାରେ ମହିମାମଣୀ ପଡ଼ିଆରୁ ବାହାରି ଘଣ୍ଟେଶ୍ୱର ବଜାର ଦେଇ ଏହି ଗଣଦୌଡ଼ ନୂଆସାହି ନିକଟରେ ଶେଷ ହୋଇଥିଲା। ଗଣ ଦୌଡ଼ରେ ଭଦ୍ରକ ବିଧାୟକ ସୀତାଂଶୁ ମହାପାତ୍ର, ଅଞ୍ଚଳର ବୁଦ୍ଧିଜୀବୀ, ବିଜେପି ଜିଲ୍ଲା ମହିଳା ସଭାନେତ୍ରୀ ମାଳତୀ ଲତା ସାହୁ, ଘଣ୍ଟେଶ୍ୱର ମଣ୍ଡଳ ସଭାପତି ମିତ୍ର ଭାନୁ ଦାସ, ହରିଶ୍ଚନ୍ଦ୍ର ମହାଳିକ, ଋତୁରାଜ ଦାସ, ବହୁ ଛାତ୍ରଛାତ୍ରୀ, ଗଣମାଧ୍ୟମ ପ୍ରତିନିଧି ଏବଂ ବିଭିନ୍ନ ସଙ୍ଗଠନ କାର୍ଯ୍ୟକର୍ତା ଯୋଡ଼ି ହୋଇଥିଲେ। ମାତୃଭୂମି ପ୍ରତି ସମର୍ପଣ, ତ୍ୟାଗ ଏବଂ ଅଖଣ୍ଡତା ବଜାୟ ରଖିବାର ଆହ୍ବାନ ଦେଇ ଏହି ଗଣଦୌଡ ଆୟୋଜନ କରାଯାଇଥିଲା।