ବାଲେଶ୍ବର: ବାଲେଶ୍ବର, ନୀଳଗିରି, ଭଦ୍ରକ ଏବଂ ବାସୁଦେବପୁରରେ ପ୍ରଚଣ୍ଡ ଶବ୍ଦ ଶୁଣିବାକୁ ମିଳୁଛି। ପାହାଡ଼ରୁ ପ୍ରଚଣ୍ଡ ଶବ୍ଦ ବାହାରୁ ଥିବା ସ୍ଥାନୀୟ ଲୋକେ ପ୍ରକାଶ କରିଛନ୍ତି। ଏହି ପ୍ରଚଣ୍ଡ ଶବ୍ଦ ଶୁଣି ଲୋକେ ଆତଙ୍କିତ ହୋଇପଡ଼ିଛନ୍ତି। ତେବେ କେଉଁ ପାହାଡ଼ କିମ୍ବା କେଉଁଠି ସୃଷ୍ଟି ହେଉଛି ଏଭଳି ପ୍ରଚଣ୍ଡ ଶବ୍ଦ ଏ ଯାଏଁ ଜଣାପଡ଼ି ନାହିଁ। ଗତ ଦୁଇଦିନ ହେବ ଏକ ମିନିଟରେ ଦୁଇରୁ ତିନି ଥର ଶୂନ୍ୟରେ ପ୍ରଚଣ୍ଡ ଶବ୍ବ ଶୁଣିବାକୁ ମିଳିଛି। ଗତକାଲି ଏବଂ ଆଜି ମଧ୍ୟ ଏକ ମିନିଟରେ ଦୁଇରୁ ୩ ଥର ପର୍ଯ୍ୟନ୍ତ ସମାନ ଶବ୍ଦ ଶୁଣାଯାଇଥିଲା।
ତେବେ ଆକାଶରୁ ଆସୁଥିବା କିମ୍ବା ଶୂନ୍ୟରୁ ଶୁଭୁଥିବା ପ୍ରଚଣ୍ଡ ଶବ୍ଦ ଶୁଣି ସ୍ଥାନୀୟ ଲୋକେ ଆତଙ୍କିତ ହୋଇଥିବା ପ୍ରକାଶ କରିଛନ୍ତି। ତେବେ ବାଲେଶ୍ବର ଅତିରିକ୍ତ ଜିଲାପାଳ ସୁଧାକର ନାଏକ କହିଛନ୍ତି ଯେ ଡିଆରଡିଓରେ କୌଣସି ପରୀକ୍ଷଣ ହୋଇନାହିଁ। ମଝିରେ ମଝିରେ ପଶ୍ଚିମ ବଙ୍ଗରେ ଟେଷ୍ଟ ଫାୟାର କରାଯାଇଥାଇପାରେ। ଯାହାର ଏଭଳି ଶବ୍ଦ ଶୁଣବାକୁ ମିଳିଥାଇପାରେ। ତେବେ ଏ ସଂକ୍ରାନ୍ତରେ ଆମର ଅନ୍ୟ କିଛି ତଥ୍ୟ ହସ୍ତଗତ ହୋଇନାହିଁ। ଏହାକୁ ନେଇ ଲୋକେ ଆତଙ୍କିତ ହେବା ଦରକାର ନାହିଁ।
