ବଲାଣି: ଗତକାଲି ପୁରୀ ଜିଲାର ବାଲୁଖଣ୍ଡ ଅଭୟାରଣ୍ୟରେ ଫଣି ପରବର୍ତ୍ତୀ ସ୍ଥିତି ପରଖିବାକୁ ଯାଇଥିବା କାର୍ଯ୍ୟରତ ସାମ୍ବାଦିକଙ୍କ ଉପରେ ନ ବିଭାଗର କର୍ମଚାରୀଙ୍କ ଆକ୍ରମଣକୁ କେନ୍ଦୁଝର ଜିଲା ବଡ଼ବିଲ ଅଞ୍ଚଳର ସାମ୍ବାଦିକ ସଂଘ ରିଜିଓନାଲ ମେଡିଆ ଫୋରମ ପକ୍ଷରୁ ନିନ୍ଦା କରାଯାଇଛି । ଏ ନେଇ ସାମ୍ବାଦିକ ସଂଘ ପକ୍ଷରୁ ବାରମ୍ବାର ଗଣମାଧ୍ୟମ ପ୍ରତିନିଧିଙ୍କ ଉପରେ ହେଉଥିବା ଆକ୍ରମଣକୁ ବିରୋଧ କରାଯିବା ସହିତ ସାମ୍ବାଦିକଙ୍କ ନିମନ୍ତେ ସୁରକ୍ଷା ଆଇନ ଆଣିବାକୁ ଓ ଆକ୍ରମଣକାରୀଙ୍କ ଉପରେ ଅପରାଧିକ ମାମଲା ରୁଜୁ କରିବା ସହିତ ଦୃଷ୍ଟାନ୍ତମୂଳକ ପଦକ୍ଷେପ ଗ୍ରହଣ କରାଯିବାକୁ ବଡ଼ବିଲ ତହସିଲଦାର କ୍ଷୀରୋଦ କୁମାର ବେହେରାଙ୍କ ଜରିଆରେ ଏକ ଦାବି ପତ୍ର ମୁଖ୍ୟମନ୍ତ୍ରୀଙ୍କୁ ପ୍ରଦାନ କରାଯାଇଛି । ରିଜିଓନାଲ ମେଡିଆ ଫୋରମ ର ସଭାପତି ଗିରିଧାରିଲାଲ ମହତୋ, ଉପସଭାପତି ସିବାଶିଷ ନନ୍ଦ , ସମ୍ପାଦକ ସୁନୀଲ ଦାସ, ଯୁଗ୍ମ ସମ୍ପାଦକ ପ୍ରଦୀପ୍ତ ଧଳ, କୋଷାଧ୍ୟକ୍ଷ ବସନ୍ତ କୁମାର ମହାନ୍ତ, କାର୍ଯ୍ୟକ୍ରମ ସଂଚାଳକ ପ୍ରଶାନ୍ତ କୁମାର ମହାନ୍ତି, ସଦସ୍ୟ ସରୋଜ ମହାପାତ୍ର, ଶଙ୍କର କୋଣାର, ରସାନନ୍ଦ ବେହେରା , ସଞ୍ଜିତ କୁମାର ପ୍ରମୁଖ ଉପସ୍ଥିତ ଥିଲେ ।
