ବଲାଙ୍ଗୀର : ବଲାଙ୍ଗୀର ଜିଲ୍ଲା ତୁରେକେଲା ବ୍ଲକ ଚାଉଳସୁଖା ଗ୍ରାମ ପଂଚାୟତର ଚାଉଳଉଖା ଗ୍ରାମରେ ଦେଶରେ ସମ୍ବିଧାନ ଲାଗୁ ହେବା ପର ଠାରୁ, ୧୯୫୦ ମସିହାରେ ଅନୁସୂଚୀତ ଜାତି ଓ ଅନୁସୂଚୀତ ଜନଜାତି ଉନ୍ନୟନ ବିଭାଗ ଦ୍ୱାରା ପରିଚାଳିତ ଆଶ୍ରମ ବିଦ୍ୟାଳୟ ପ୍ରତିଷ୍ଠା ହେଇଥିଲା । ଆଜି ଚଉଳସୁଖା ସମିତିସଭ୍ୟଗିରି ସିଂ ମାଝି, ସ୍କୁଲ ପରିଦର୍ଶନରେ ଯାଇ ଦେଖିଲେ, ବିଦ୍ୟାଳୟ ରେ ଅନେକ ପ୍ରକାର ଅସୁବିଧା ଏବଂ ସମସ୍ୟା ଦେଇ ଗତି କରୁଛି । ଏତେ ପୁରୁଣା ଆଶ୍ରମ ବିଦ୍ୟାଳୟ ହେଲେ ମଧ୍ୟଏଠାରେ ୨୪୪ ଛାତ୍ର ଛାତ୍ରୀପାଠ ପଢୁଛନ୍ତି, ଏହି ବିଦ୍ୟାଳୟରେ ପ୍ରଥମ ଶ୍ରେଣୀ ରୁ ଅଷ୍ଟମ ଶ୍ରେଣୀ ପର୍ୟନ୍ତ ଛାତ୍ର ଛାତ୍ରୀ ପାଠ ପଢୁ ଥିବା ବେଳେ,୯୬ଜଣ ଅନ୍ତେବାସିନୀ ଛାତ୍ରୀ ହଷ୍ଟେଲ ରହୁଥିବା ବେଳେ, ମାତ୍ର ୩ଜଣ ଶିକ୍ଷକ, ଶିକ୍ଷୟତ୍ରୀରେ ଚାଲିଛି ଆଶ୍ରମ ବିଦ୍ୟାଳୟ । ଏହା ଅତି ଦୁଃଖର ବିଷୟ ଅଟେ । ଏଭଳି ଶିକ୍ଷକ ସମସ୍ୟାରେ ଛାତ୍ର ଛାତ୍ରୀ ପଢିବେ କଣ,ଯେଉଁ ତିନି ଜଣ ଅଛନ୍ତି ସେମାନେ ଅଫିସ କାର୍ୟ୍ୟ ରେ ବ୍ୟସ୍ତ ରହୁଛନ୍ତି । ପ୍ରଶାସନ ଅତିଶୀଘ୍ର ଦୃଷ୍ଟି ଦେଇ, ଉଚିତ ପଦକ୍ଷେପ ନେବା ସହିତ ଅଧିକ ଶିକ୍ଷକ ଦେବାକୁ ସମିତି ସଭ୍ୟ ଗିରିସିଂ ମାଝି ଦୃଢ଼ ଦାବୀ ଜଣାଇଛନ୍ତି । ନଚେତ ଆଗାମୀ ଦିନରେ ଆନ୍ଦୋଳନ କରି ଧାରଣାରେ ବସିବାକୁ ବାଧ୍ୟ ହେବେ ବୋଲି ଚେତାବନୀ ଦେଇଛନ୍ତି ।
Comments are closed.