ପାଟଣା : ପାଟଣାଠାରେ ବୈତରଣୀ ଘାଟ ଉଭୟ ପାର୍ଶ୍ଵର ଉନ୍ନତି କରଣ ସହ ବିକାଶ ପାଇଁ ରାଜ୍ୟ ସରକାରଙ୍କ ପକ୍ଷରୁ ୮ କୋଟି ୮୮ ଲକ୍ଷ ୨୯ହଜାର ଟଙ୍କାର ବ୍ୟୟ ବରାଦ କରାଯାଇଛି। ସେହିପରି ପାଟଣା ବ୍ଲକ ଅନ୍ତର୍ଗତ ଖିରେଇଟାଙ୍ଗରି ବାଉଁଶୁଳି ପଞ୍ଚାୟତ ସୀମା ୪୯ ନଂ ଜାତୀୟ ରାଜପଥ ସଂଲଗ୍ନ ଧାନବେଣୀ ପର୍ଯ୍ୟଟନସ୍ଥଳୀର ବିକାଶ ପାଇଁ ୪ କୋଟି ୭୫ ଲକ୍ଷ ୬୫ ହଜାର ଟଙ୍କାର ବ୍ୟୟ ବରାଦ କରାଯାଇଛି। ଏହି ଅର୍ଥରେ କାର୍ଯ୍ୟାରମ୍ଭ ପୂର୍ବରୁ ବିଭାଗୀୟ ଅନୁମତି ପାଇଁ ଘଟଗାଁ ନିର୍ବାହୀ ଯନ୍ତ୍ରୀ ଓ କେନ୍ଦୁଝର ମୁଖ୍ୟ ନିର୍ମାଣଯନ୍ତ୍ରୀଙ୍କୁ ନିର୍ଦ୍ଦେଶ ଦିଆଯାଇଛି। ସୂଚନା ଯୋଗ୍ୟ ଯେ ବିଧାୟକ ଓ ପରେ ମୁଖ୍ୟମନ୍ତ୍ରୀ ବୈତରଣୀର ଅନସୁୟା ଘାଟରେ ମକର ବୁଡ଼ ପକାଇବା ପରେ ଏହି ଘାଟର ବିକାଶ ହେବ ବୋଲି ଅଞ୍ଚଳବାସୀ ଯାହା ଆଶା ପୋଷଣ କରିଥିଲେ ତାହା ଏହି ଅନୁଦାନ ଘୋଷଣା ପରେ ସତ୍ୟରେ ପରିଣତ ହୋଇଛି।
Comments are closed.