ଭୁବନେଶ୍ୱର/ବାହାରିନ୍ – ବିଦେଶରେ ଓଡ଼ିଶାର କଳା ସଂସ୍କୃତି ପରମ୍ପରାର ପ୍ରଚାର ପାଇଁ ବାହାରିନ୍ ଓଡିଆ ସମାଜ କାର୍ଯ୍ୟରତ । ଏ ନେଇ ଚଳିତ ମାସ ୧୨ ତାରିଖରେ ବାହାରିନ୍ ଓଡିଆ ସମାଜ ପକ୍ଷରୁ ଏକ ସଭାର ଆଲୋଚନା କରାଯାଇଥିଲା । ଏଥିରେ ଭୁବନେଶ୍ୱର ସାସଂଦ ଅପରାଜିତା ଷଡଙ୍ଗୀ ମୁଖ୍ୟ ଅତିଥିଭାବେ ଯୋଗ ଦେଇଥିଲେ ।
ସାସଂଦ ଅପରାଜିତା ଓଡ଼ିଆ ସଂସ୍କୃତି ,ଐତିହ ଏବଂ ପରମ୍ପରା କୁ ଜୀବିତ ରଖି ବିଦେଶରେ ଓଡ଼ିଶାର ନାମ ଓ ଗୌରବ ଅକ୍ଷୂର୍ଣ୍ଣ ରଖିବା ପାଇଁ ନିଜ ଅଭିଭାଷଣରେ ମତ ପ୍ରକାଶ କରିଥିଲେ । ବାହାରିନ୍ ଓଡ଼ିଆ ସମାଜର ସଭାପତି ବିଷ୍ଣୁ ପ୍ରସାଦ ମହାନ୍ତି ସଭାକୁ ସମ୍ବୋଧନ କରି ସମାଜ ତରଫରୁ କେତେକ ଆବଶ୍ୟକତାକୁ ଉପସ୍ଥାପନ କରି ଥିଲେ । ଏହି ଆବଶ୍ୟକତାକୁ ଯାଥା ଶୀଘ୍ର ପୂରଣ ପାଇଁ ସମ୍ମାନୀୟ ସଦସ୍ୟ ଚେଷ୍ଟା କରିବେ ବୋଲି ପ୍ରତିଶ୍ରୁତି ଦେଇଛନ୍ତି । ସାଗରିକା ମହାନ୍ତି ଏହି ସଭାକୁ ପରିଚାଳନା କରିଥିବା ବେଳେ ସାଧାରଣ ସମ୍ପାଦକ ସୌମ୍ୟଦର୍ଶି ଦାସ ଧନ୍ୟବାଦ ଅର୍ପଣ କରିଥିଲେ ।
