ବାହାନଗା : ବାଲେଶ୍ୱର ଜିଲା ବାହାନଗା ଟ୍ରେନ୍ ଟ୍ରାଜେଡି ଘଟଣା ପରଠୁ ରେଲୱେ ସୋର ସେକ୍ସନ ସିଗ୍ନାଲ ଜେଇ ଅମିର ଖାନ୍ଙ୍କ ପତ୍ତା ମିଳୁ ନ ଥିଲା। ଏପରିକି ତାଙ୍କ ଭଡ଼ାଘରକୁ ସିବିଆଇ ସିଲ୍ କରିଥିଲା। ମିଳିଥିବା ସୂଚନା ଅନୁସାରେ, ଆଜି ସକାଳେ ଜେଇ ଅମୀର ଖାନଙ୍କୁ ସାଙ୍ଗରେ ନେଇ ସୋରସ୍ଥିତ ଭଡ଼ାଘରେ ପହଞ୍ଚିଛି ସିବିଆଇ ଟିମ୍। ସୋର ସେକ୍ସନ ସିଗ୍ନାଲ ଜେଇ ଅମିର ଖାନ୍ ପରିବାର ସହ ସୋର କମରପୁରଠାରେ ଭଡ଼ା ଘରେ ରହୁଥିଲେ। ଦୁର୍ଘଟଣା ପରଠାରୁ ତାଙ୍କର ଖୋଜଖବର ମିଳୁ ନ ଥିଲା। ଅନ୍ୟପକ୍ଷରେ ବାହାନଗା ଟ୍ରେନ୍ ଟ୍ରାଜେଡିର ତଦନ୍ତ ସିବିଆଇ କରୁଥିବାବେଳେ ବିଭିନ୍ନ ଲୋକଙ୍କୁ ପଚରାଉଚରା କରୁଛି। ଏହି ଘଟଣାର ତଦନ୍ତ କରି ସିବିଆଇ ଟିମ୍ ପୂର୍ବରୁ ସିବିଆଇ ସିଗ୍ନାଲ ଜେଇ ଅମିର ଖାନ୍ ଓ ଷ୍ଟେସନମାଷ୍ଟର ଏସ୍ପି ମହାନ୍ତିଙ୍କୁ ପଚରାଉଚରା କରିଥିଲା। ହେଲେ ଏହାପରେ ଜେଇଙ୍କ ପତ୍ତା ମିଳି ନ ଥିଲା। ତଦନ୍ତ ସରିବା ପରେ ପ୍ରକୃତ ସତ୍ୟାସତ୍ୟ ଜଣାପଡ଼ବ।
Comments are closed.