ଆଠଗଡ : ବ୍ରହ୍ମପୁର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ଅଧିନ ଯୋରନ୍ଦା ସେକ୍ଟର ଆନୁକୁଲ୍ୟରେ ଯୋରନ୍ଦା ସ୍ୱାସ୍ଥ୍ୟକେନ୍ଦ୍ରରେ ଶନିବାର ଆନ୍ତର୍ଜାତୀୟ ନାରୀ ନିର୍ଯ୍ୟାତନା ନିବାରଣ ସଚେତନତା ଦିବସ ପାଳିତ ହୋଇଯାଇଛି । ବ୍ରହ୍ମପୁର ସିଏଚସିର ଅଧିକ୍ଷକ ଡାକ୍ତର ଦିଲ୍ଲୀପ ଦାସଙ୍କ ପରାମର୍ଶକ୍ରମେ ଆୟୋଜିତ ଏହି କାର୍ଯ୍ୟକ୍ରମରେ ବରିଷ୍ଠ ବହୁମୁଖୀ ସ୍ୱାସ୍ଥ୍ୟ ପରିଦର୍ଶକ ମହମ୍ମଦ୍ ଅସଲମ୍ ସଂଯୋଜନା କରି ନାରୀ ଓ ଝିଅମାନଙ୍କ ଉପରେ ହେଉଥିବା ନିର୍ଯ୍ୟାତନା ଓ ଅତ୍ୟାଚାର ସଭ୍ୟ ସମାଜ ପାଇଁ କଳଙ୍କ ବୋଲି ମତବ୍ୟକ୍ତ କରିଥିଲେ। ସମାଜରେ ପ୍ରଚଳିତ ନିୟମ କେତେକ କ୍ଷେତ୍ରରେ ନାରୀ ଓ ଝିଅମାନଙ୍କ ପ୍ରତି ଦୃଷ୍ଟିଭଙ୍ଗୀ ସେମାନଙ୍କର ପ୍ରଗତିରେ ବାଧକ ସାଜୁଛି। କନ୍ୟା ଭୃଣ ହତ୍ୟା ଓ ବାଲ୍ୟ ବିବାହ ଭଳି କୁପ୍ରଥା ସେମାନଙ୍କୁ ଅଧିକରୁ ଅଧିକାରକୁ ସଙ୍କୁଚିତ କରୁଛି । ନାରୀ ଯେପରି କୌଣସି କ୍ଷେତ୍ରରେ ଅତ୍ୟାଚାରିତ ନହୁଏ ଓ ନିର୍ଯ୍ୟାତନାର ଶିକାର ନହୁଏ ସେ ଦିଗରେ ସମସ୍ତେ ସଚେତନ ଓ ଯତ୍ନବାନ ହେବା ଆବଶ୍ୟକ ହେବେ ବୋଲି ସେ ମତବ୍ୟକ୍ତ କରିଥିଲେ । ସମାଜରେ ନାରୀକୁ ଉପଯୁକ୍ତ ସମ୍ମାନ ଓ ନ୍ୟାୟ ଦେବା ପାଇଁ ବ୍ୟାପକ ଜନଜାଗରଣ ଓ ସଚେତନତା ସୃଷ୍ଟି କରିବା ଆବଶ୍ୟକ ବୋଲି ଶ୍ରୀ ଅସଲମ କହିଥିଲେ । ଏହି କାର୍ଯ୍ୟକ୍ରମରେ ସ୍ୱାସ୍ଥ୍ୟ ପରିଦର୍ଶିକା ବିଚିତ୍ରପ୍ରଭା ଦେଇଙ୍କ ସମେତ ଯୋରନ୍ଦା ସେକ୍ଟରର ସମସ୍ତ ସ୍ୱାସ୍ଥ୍ୟକର୍ମୀ, ସିଏଚଓ, ଅଙ୍ଗନବାଡି, ଆଶାକର୍ମୀ, ବହୁ ମହିଳା ଏସଏଚଜି ସଦସ୍ୟ ଓ ଗାଁ କଲ୍ୟାଣ କମିିଟିର ସଦସ୍ୟ ଯୋଗ ଦେବା ସହ ଏକ ସଚେତନତା ସଭା ଯାତ୍ରାରେ ଗ୍ରାମ ପରିକ୍ରମା କରିଥିଲେ।
Popular Categories
Previous article
Next article