କଣ୍ଟାବାଞ୍ଜି: ବଲାଙ୍ଗୀର ବନଖଣ୍ଡ ଅନ୍ତର୍ଗତ କଣ୍ଟାବାଞ୍ଜି ବନାଞ୍ଚଳ ଆନୁକୂଲ୍ୟରେ ତୁରେକେଲା ବନପାଳ କାର୍ଯ୍ୟାଳୟ ପରିସରରେ ବନାଞ୍ଚଳସ୍ତରୀୟ ବନାଗ୍ନି ନିବାରଣ ସଚେତନତା ସଭା ଅନୁଷ୍ଠିତ ହୋଇଯାଇଛି। କଣ୍ଟାବାଞ୍ଜି ରେଞ୍ଜର ସିଦ୍ଧାନ୍ତ କୁମାର ସାହୁଙ୍କ ସଭାପତିତ୍ୱରେ ଅନୁଷ୍ଠିତ ସଭାରେ ଜିଲ୍ଲା ପରିଷଦ ସଭ୍ୟ କୌଶିକ ମେହେର ମୁଖ୍ୟ ଅତିଥିଭାବେ ଯୋଗ ଦେଇଥିବାବେଳେ ପ୍ରକୃତି ବନ୍ଧୁ ବିରଞ୍ଚି ନାରାୟଣ ଦାଶ ମୁଖ୍ୟବକ୍ତା ଭାବେ ଯୋଗ ଦେଇଥିଲେ। ସରପଞ୍ଚ ଜଳନ୍ଧର ମହାକୁଡ, ଅଗ୍ନିଶମ ଅଧିକାରୀ ଅସିତ କୁମାର ଜେନା, କେନ୍ଦୁପତ୍ର ଫରେଷ୍ଟର ବ୍ରଜ ବିଶ୍ୱାଳ ସମ୍ମାନିତ ଅତିଥି ଭାବରେ ଯୋଗ ଦେଇଥିଲେ। ଅତିଥିମାନେ ବନାଗ୍ନିର କାରଣ ଓ କ୍ଷତି ଉପରେ ଆଲୋକପାତ କରିଥିଲେ। ଗ୍ରୀଷ୍ମ ଋତୁରେ କିଭଳି ଭାବରେ ବନାଗ୍ନିକୁ ରୋକି ହେବ ତା’ ଉପରେ ଆଲୋଚନା ହୋଇଥିଲା। ପରିଶେଷରେ ସମସ୍ତେ ଜଙ୍ଗଲ ବଞ୍ଚାଇବାକୁ ସମସ୍ତେ ଶପଥ ପାଠ କରିଥିଲେ।
ଏହି କାର୍ଯ୍ୟକ୍ରମରେ ବନ ବିଭାଗର କର୍ମଚାରୀ, ଫରେଷ୍ଟର ନପ ହରପାଲ, ଗୋବର୍ଦ୍ଧନ ପଟେଲ, ସୁନିଲ ଛତ୍ରିଆ, ଫରେଷ୍ଟଗାର୍ଡ ପରମାନନ୍ଦ ମାଝୀ, କୃଷ୍ଣଚନ୍ଦ୍ର ବନଛୋର, ସମାଜସେବୀ ତଥା ପ୍ରକୃତି ପ୍ରେମୀମାନେ ଯୋଗ ଦେଇଥିଲେ।
Comments are closed.