ଭଦ୍ରକ: ଭୁଜାଲିରେ ଆକ୍ରମଣ କରି ଜଣେ ମଦ ଦୋକାନୀ କର୍ମଚାରୀଙ୍କ ଠାରୁ ଦେଢ ଲକ୍ଷ ଟଙ୍କା ଲୁଟ ହୋଇଛି। ଭଦ୍ରକ ଜିଲା କଚେରୀ ରୋଡରେ ମଙ୍ଗଳବାର ରାତି ପ୍ରାୟ ୧୧.୩୦ଟା ସମୟରେ ଏହି ଘଟଣା ଘଟିଛି। ମଦ ଦୋକାନୀ କର୍ମଚାରୀ ଦୀନବନ୍ଧୁ ନାୟକ ନିଜ ମଟର ସାଇକେଲ ଯୋଗେ ତାଙ୍କ ଘର ଡଗମୁଣ୍ଡାକୁ ଆସୁଥିଲେ। ଏହି ସମୟରେ ଦୁବୁର୍ତ୍ତମାନେ ତାଙ୍କ ଗାଡି ଅଟକାଇ ଭୁଜାଲିରେ ଆକ୍ରମଣ କରିଥିଲେ। ଦୁବୁର୍ତ୍ତମାନେ ତାଙ୍କ ଠାରୁ ଟଙ୍କା ଛଡାଇ ନେଇ ଘଟଣାସ୍ଥଳରୁ ଫେରାର ହୋଇ ଯାଇଛନ୍ତି। ଦୀନବନ୍ଧୁଙ୍କ ଶରୀରରେ ଗଭୀର ଆଘାତ ଲାଗିଥିବାରୁ ତାଙ୍କୁ ଜିଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି।
