ଆଠଗଡ: ଅବକାରୀ ଆୟୁକ୍ତ ଆଶିଷ କୁମାର ସିଂହ, କଟକ ଜିଲ୍ଲାପାଳ ଭବାନୀ ଶଙ୍କର ଚୟନି ଓ ଜିଲ୍ଲା ଅବକାରୀ ଅଧିକ୍ଷକ ଡଃ ଶାନ୍ତନୁ କୁମାର ଦାସଙ୍କ ନିର୍ଦ୍ଦେଶକ୍ରମେ ଆଠଗଡ ଥାନା ଅନ୍ତର୍ଗତ ତାଳବସ୍ତ, ତିଗିରିଆର ଭିରୁଡା ଓ ପଣସପାଟଣା ଗ୍ରାମରେ ଶନିବାର ଏକ ବଡଧରଣର ଅବକାରୀ ଚଢାଉ କରାଯାଇଛି। ତାଳବସ୍ତ ଗ୍ରାମ ଉତ୍ତରପାର୍ଶରେ ଥିବା ନାଳକଡରେ ମଦପ୍ରସ୍ତୁତି ପାଇଁ ଲୁଚାଇ ରଖାଯାଇଥିବା ୩୩୦୦ଲିଟର ଗୁଡପୋଚ ଏବଂ ସଦ୍ୟପ୍ରସ୍ତୁତ ୨୪୦ଲିଟର ଦେଶୀ ମଦ ଜବତ କରାଯାଇଥିଲା। ପରେ ପରେ ତିଗିରିଆ ଥାନା ଅନ୍ତର୍ଗତ ଭିରୁଡା ଗ୍ରାମର ସାପୁଆ ନଦୀ କଡରେ ଲୁଚାଯାଇଥିବା ୨୧୦୦ଲିଟର ଗୁଡପୋଚ ଓ ୧୮୦ଲିଟର ଦେଶୀମଦ ଜବତ କରାଯିବା ସହ ନିକଟବର୍ତ୍ତୀ ପଣସପାଟଣା ଗ୍ରାମ ନିକଟବର୍ତ୍ତୀ କାଜୁ ଜଙ୍ଗଲ ମଧ୍ୟରୁ ୧୨୦୦ଲିଟର ଗୁଡପୋଚ ଓ ୧୬୦ଲିଟର ମଦ ଜବତ କରାଯାଇ ଘଟଣାସ୍ଥଳରେ ହିଁ ନଷ୍ଟ କରାଯାଇଥିଲା।
ଆଠଗଡ ଅବକାରୀ ନିରୀକ୍ଷକ ପ୍ରଭାସ କୁମାର ଚୌଧୁରୀଙ୍କ ନେତୃତ୍ୱରେ କରାଯାଇଥିବା ଏହି ଚଢାଉରେ ଉପନିରୀକ୍ଷକ ବିଜୟ କୁମାର ଭଞ୍ଜ, ବାଙ୍କୀ ଉପନିରୀକ୍ଷକ ଟେଲିସ୍ଫୋର ଲାକ୍ରା, ଆଠଗଡ ସହକାରୀ ଉପନିରୀକ୍ଷକ ଦେବାନନ୍ଦ ଭୂୟାଁଙ୍କ ସମେତ ଆଠଗଡ ଓ ବାଙ୍କୀର ବହୁ ଅବକାରୀ କର୍ମଚାରୀ ଅଂଶଗ୍ରହଣ କରିଥିଲେ।
Comments are closed.