ଆଠଗଡ: କଟକ ଜିଲା କ୍ବାନକିଡୋ ଆସୋସିଏସନ୍ ପକ୍ଷରୁ ସ୍ୱାଧୀନତା ଦିବସ ଅବସରରେ ଆଠଗଡ ଉପଖଣ୍ଡ ଚିକିତ୍ସାଳୟରେ ପରିସରରେ ଚାରାରୋପଣରେ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। କ୍ୱାନକିଡୋ ଆସୋସିଏସନ ସଭାପତି ରୁଦ୍ର ଚରଣ ମହାନ୍ତିଙ୍କ ସଂଯୋଜନାରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ଉପଖଣ୍ଡ ଚିକିତ୍ସାଳୟରେ ଅଧିକ୍ଷକ ଡାକ୍ତର ବିଜୟ କୁମାର ମିଶ୍ର, ଚିକିତ୍ସାଳୟ ପରିଚାଳକ ପୁଜାଲିନ ମିଶ୍ର, ଜାତୀୟ ସ୍ବାସ୍ଥ୍ୟ ମିଶନର କର୍ମକର୍ତ୍ତା ମହେନ୍ଦ୍ର ଦାଶ ପ୍ରମୁଖ ଅତିଥି ଭାବେ ଯୋଗଦେଇ ପରିବେଶ ସୁରକ୍ଷା ଆମ ସମସ୍ତଙ୍କ ସାମାଜିକ ଓ ନୈତିକ ଦାୟିତ୍ବ ବୋଲି କହିବା ସହ ବ୍ୟାପକ ଚାରାରୋପଣ ଉପରେ ଗୁରୁତ୍ଵାରୋପ କରିଥିଲେ। ଡାକ୍ତରଖାନା ପରିସରରେ ବହୁ ଉପାଦେୟ ବୃକ୍ଷର ଚାରା ରୋପଣ କରାଯାଇଥିଲା।
ଏହି କାର୍ଯ୍ୟକ୍ରମରେ କ୍ୱାନ କି ଡୋ ଆସୋସିଏସନର ଉପସଭାପତି ଶ୍ୟାମ ପ୍ରସାଦ ପଣ୍ଡା, ସଂପାଦକ ତଥା ପ୍ରଶିକ୍ଷକ ବଦ୍ରିନାରାୟଣ ବାହିନୀପତି, ପ୍ରଶିକ୍ଷକ ସନ୍ତୋଷ କୁମାର ବେହେରା, କୋଷାଧ୍ୟକ୍ଷ ରାହୁଲ କୁମାର ଜେନା, ଯୁଗ୍ମ ସଂପାଦକ ପ୍ରତ୍ୟୁଷ କୁମାର ହୋତା, ବିଶ୍ଵମ୍ବର ରାଉତ ଉପସ୍ଥିତ ରହି ଅତିଥିଙ୍କ ସହ ଚାରା ରୋପଣ କରିଥିଲେ। ଚିକିତ୍ସାଳୟର ପରିମଳ ପର୍ଯ୍ୟବେକ୍ଷକ ସନ୍ତୋଷ କୁମାର ମିଶ୍ର ଓ ଚନ୍ଦନ ପ୍ରସାଦ ରାଉତ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ।
