ଆଠଗଡ : ଆଠଗଡ ଥାନା ଅନ୍ତର୍ଗତ କୋରଙ୍ଗା ଗ୍ରାମରେ ପତ୍ନୀ ନିର୍ଯ୍ୟାତନା ଘଟଣାରେ ସ୍ୱାମୀ ଗିରଫ ହୋଇ ଜେଲ ହାଜତକୁ ଯାଇଥିବା ଜଣାପଡିଛି। କୋରଙ୍ଗା ଗ୍ରାମର ଦ୍ୱିଜବର ପରିଡାଙ୍କ ପୁଅ ସୁଧାକର (୩୬) ଅନୁଗୁଳ ଜିଲ୍ଲାର ବନ୍ତଳା ଥାନା ଅନ୍ତର୍ଗତ ବଡତରାସ ଗ୍ରାମର ସୁପ୍ରଭା ପରିଡାଙ୍କୁ ଗତ ୨୦୧୧ମସିହାରେ ବୈଦିକ ରୀତିରେ ବିବାହ କରିଥିଲେ। ତାଙ୍କର ୨ଟି କନ୍ୟାସନ୍ତାନ ମଧ୍ୟ ଅଛନ୍ତି। ବିବାହର କିଛି ବର୍ଷ ଭଲରେ ବିତିବା ପରେ ଗତ ୨-୪ବର୍ଷ ହେବ ସୁପ୍ରଭାଙ୍କ ଉପରେ ଅଧିକ ଯୈାତୁକ ପାଇଁ ସ୍ୱାମୀ ନିର୍ଯ୍ୟାତନା ଦେଇଆସୁଥିଲେ। ତେବେ ଗତକାଲି (ରବିବାର) ରାତିରେ ସୁଧାକର ପତ୍ନୀ ସୁପ୍ରଭାଙ୍କୁ ମରଣାନ୍ତକ ଆକ୍ରମଣ କରି ଗୁରୁତର ଆହତ କରିଥିବା ଅଭିଯୋଗ ହୋଇଛି। ଏହାକୁ ଭିତ୍ତିକରି ଆଠଗଡ ପୁଲିସ ଅଭିଯୁକ୍ତ ସ୍ୱାମୀ ସୁଧାକରଙ୍କ ନାମରେ ମାମଲା ରୁଜୁ କରି ଗିରଫ କରି କୋର୍ଟ ଚାଲାଣ କରିଥିବା ଜଣାପଡିଛି। ଜାମିନ ନାମଞ୍ଜୁର ହେବାରୁ ତାଙ୍କୁ ବିଚାର ବିଭାଗୀୟ ହାଜତକୁ ପଠାଇ ଦିଆଯାଇଛି।
Comments are closed.