ଗୋପବନ୍ଧୁ ବିଜ୍ଞାନ କଲେଜରେ ସେବା ଓ ସେବକ ସପ୍ତାହ

ଆଠଗଡ଼: ଆଠଗଡ଼ସ୍ଥିତ ଗୋପବନ୍ଧୁ ବିଜ୍ଞାନ କଲେଜର ଜାତୀୟ ସେବା ଯୋଜନା ଓ ଜାତୀୟ ସମର ଶିକ୍ଷାର୍ଥୀ ବାହିନୀ ଆନୁୁକୁଲ୍ୟରେ ଗୋପବନ୍ଧୁଙ୍କ ୯୪ତମ ଶ୍ରାଦ୍ଧୋତ୍ସବ ଅବସରରେ ଆୟୋଜିତ ସେବା ଓ ସେବକ ସପ୍ତାହ ଅବସରରେ ବ୍ୟାପକ ସଫେଇ ଓ ଚାରା ରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। କଲେଜର ଅଧ୍ୟକ୍ଷ ଲୋକନାଥ ସାହୁ ଏହାକୁ ଉଦ୍‍ଘାଟନ କରି ପରିବେଶ ସୁରକ୍ଷା ଏବଂ ସ୍ୱଚ୍ଛତା ବଜାୟ ରଖିବା ଏକ ମହାନ ସେବା ବୋଲି ମତବ୍ୟକ୍ତ କରି ଛାତ୍ରଛାତ୍ରୀମାନେ ପଣ୍ଡିତ ଗୋପବନ୍ଧୁଙ୍କ ଆଦର୍ଶରେ ଅନୁପ୍ରାଣିତ ହେବାଲାଗି ପରାମର୍ଶ ଦେଇଥିଲେ।

ଏହି ଅବସରରେ ଏନଏସଏସ କାର୍ଯ୍ୟକ୍ରମ ସଂଯୋଜକ ଅଧ୍ୟାପକ ଡଃ ଚିତ୍ରସେନା ରାଉତ, ଅଧ୍ୟାପିକା ଶ୍ରୀମନ୍ତିନୀ ଦାସ ଏବଂ ଏନସିସି ଅଧିକାରୀ ଅଧ୍ୟାପକ ସତ୍ୟରଞ୍ଜନ ପ୍ରଧାନଙ୍କ ସଂଯୋଜନାରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ଏନଏସଏସ ସ୍ୱେଚ୍ଛାସେବୀ ଏବଂ ଏନସିସି ବାହିନୀ କଲେଜ ପରିସରକୁ ବ୍ୟାପକ ସଫେଇ କରିବା ସହ ବନବିଭାଗ ପକ୍ଷରୁ ପ୍ରଦତ୍ତ ବେଲ, କରଞ୍ଜ, କୃଷ୍ଣଚୂଡା, ପେସ୍ତାବାଦାମ, ଶିଶୁ ଆଦି ଅନେକ କିସମର ଚାରା ରୋପଣ କରିଥିଲେ। ପ୍ରାରମ୍ଭରେ ଅଧ୍ୟକ୍ଷ, ଅଧ୍ୟାପକ, ଅଧ୍ୟାପିକା କଲେଜ ପରିସରରେ ପ୍ରତିଷ୍ଠିତ ଉତ୍କଳମଣିଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ କରିଥିଲେ।

Comments are closed.